४ जेठ/अर्थ र व्यापार – यस साताको पहिलो कारोबार दिन आइतबार पनि शेयर बजार घट्नेक्रम रोकिएन । यसदिन शेयर बजार परिसूचक नेप्से २ दशमलब ७९ अंकले घटेर २६ सय ०९ विन्दुमा कायम भएको छ । आइतबारको घटाईसँगै नेप्से लगातार छैटौं दिनसम्म घटिरहेको छ ।
यसदिन कारोबार रकम भने अघिल्लो दिनको तुलनामा केही बढेको छ । अघिल्लो दिन ७ अर्ब ८ करोडको कारोबार भएकोमा यसदिन ८ अर्ब ५० करोड ९२ लाख २१ हजार ३ सय १२ रुपैयाँको शेयर कारोबार भएको छ । यसदिन १ सय ४५ वटा कम्पनीको शेयर मूल्य घटेको छ । सयवटा कम्पनीको शेयर मूल्य बढेको छ भने एउटाको स्थिर रहेको छ । आइतबार सबैभन्दा धेरै अन्य उपसमुहको शेयर मुल्य ४ दशमलब १९ प्रतिशतले बढेको छ । ओम मेगाश्री फर्मास्युटिकल्स र छ्याङ्दी हाइड्रोपावरको शेयर मूल्य १० प्रतिशत बढेको छ । त्यस्तै, विन नेपाल लघुवित्तको ९ दशमलब ५३ प्रतिशत, नेपाल पुनर्बीमाको ८ दशमलब ४१ प्रतिशत, बाराही हाइड्रोपावरको ७ दशमलब ३२ प्रतिशत , स्वाभिमान लघुवित्तको ६ दशमलब ९८ प्रतिशत, ओरियन्टल होटलको ६ प्रतिशतले शेयर मूल्य बढेको छ ।
यस उपसमूहमा रहेका दुईवटा कम्पनीहरु नेपाल पुनर्बीमा र हिमालयन रि इन्स्योरेन्स कम्पनीको शेयर मूल्य उच्च दरमा बढेपछि समग्रमा अन्य उपसमूहको शेयर मुल्य बढेको देखिएको हो । यसदिन माइक्रोफाइनान्स उपसमुहको शेयर मूल्य १ दशमलब २२ प्रतिशत र होटल तथा पर्यटन उपसमुहको शेयर मूल्य १ दशमलब ११ प्रतिशतले बढेको छ ।
यि ३ वटा उपसमुहका बाहेक अरु सबै उपसमुहको शेयर मूल्य घटेको छ । व्यापार उपसमुहको शेयर मूल्य सबैभन्दा धेरै २ दशमलब ६८ प्रतिशतले घटेको छ । निर्जीवन बीमा उपसमुहको शूल्य दशमलब ८८ प्रतिशत, उत्पादन उपसमुहको शून्य दशमलब ३४ प्रतिशत, जीवन बीमा उपसमुहको शून्य दशमलब ६७ प्रतिशतले घटेको छ । लगानी उपसमुहको शून्य दशमलब २७ प्रतिशत, हाइड्रोपावर उपसमुहको १ दशमलब ३६ प्रतिशत, फाइनान्स उपसमुहको शून्य दशमलब ४७ प्रतिशत, विकास बैंक उपसमुहको २ दशमलब २२ प्रतिशत र बैंकिङ उपसमुहको शून्य दशमलब १४ प्रतिशतले घटेको छ ।
कर्पोरेट डेभलपमेन्ट बैंकको ८ दशमलब ७१ प्रतिशत, नेपाल माइक्रोइन्स्योरेन्सको ७ दशमलब ५३ प्रतिशत , ग्रिन डेभलपमेन्ट बैंकको ६ दशमलब ९४ प्रतिशत, क्रेस्ट माइक्रोइन्स्योरेन्सको ६ दशमलब ८६ प्रतिशत र युनिभर्सल पावरको ६ दशमलब १ प्रतिशतले शेयर मूल्य घटेको छ ।
यसदिन धेरै कारोबार भएका कम्पनीहरुमा नेपाल पुनर्बीमा, एनआरएन इन्फ्रास्ट्रक्चर, राधि विद्युत्, युनिभर्सल पावर र हिमालयन रि इन्स्योरेन्स क्रमशः अगाडि रहेको छ ।