नेप्से १५.५४ अंकले घट्यो
२९ पुस/अर्थ र व्यापार – यस साताको दोस्रो कारोबार दिन सोमबार सेयर बजार परिसूचक नेप्से १५ दशमलब ५४ अंकले घटेर २५ सय ९४ दशमलब १३ मा झरेको छ ।
पुस मसान्त एवं चालु आर्थिक वर्षको त्रैमासको अन्तिम कारोबार दिन सेयर बजार परिसूचक नेप्सेमा सून्य दशमलब ५९ प्रतिशतको गिरावट आएको छ ।
नेप्सेमा गिरावट आएपनि सोमबार कारोबार रकम भने अघिल्लो दिनको भन्दा उलेख्य बढेको छ । यसदिन ६ अर्ब ६५ करोड ९ लाख रुपैयाँको सेयर कारोबार भएको छ । अघिल्लो कारोबार दिन ४ अर्ब रुपैयाँ पुग्न पनि मुस्किल भएको थियो ।
सोमबार नेप्सेमा सबै उपसूचकमा गिरावट भएको छ । व्यापार उपसूचक सर्वाधिक १.८९ प्रतिशतले गिरावट हुँदा होटल तथा पर्यटन उपसूचक १.३६ प्रतिशत र वित्त कम्पनी उपसूचक १.३२ प्रतिशतले गिरावट भएको छ ।
सोमबार नेप्सेमा कुल २ सय ४३ वटा कम्पनीको सेयर कारोबार भएको छ । जसमध्ये १ सय ७५ वटा कम्पनीको सेयर मूल्यमा गिरावट हुँदा जम्मा ६३ वटा कम्पनीको सेयर मुल्य बढेको छ । ५ वटा कम्पनीको सेयर मुल्य स्थिर रहेको छ । सोमबार कारोबार भएकामध्ये बाराही हाइड्रोपावरको सेयर मूल्य १० प्रतिशतले बढेर सकारात्मक सर्किट मूल्यमा बन्द भएको छ ।
यस्तै सुपर मादी हाइड्रोपावरको सेयर मूल्य ८.८७ प्रतिशत, नारायणी डेभलपमेन्ट बैंक ८.८१, सपोर्ट लघुवित्त ८.४१ र नेपाल एसबीआई बैंकको सेयर मूल्य ७.३० प्रतिशतले बढेर बन्द भएको छ ।
यता आत्मनिर्भर लघुवित्त र सिन्धु विकास बैंकको सेयर मूल्य १० प्रतिशत घट्दै नकारात्मक सर्किट मूल्यमा बन्द भएको छ । त्यस्तै रिभर फल्स हाइड्रपोवरको सेयर मूल्य ८.३६ प्रतिशतले घटेको छ । यसदिन बजारमा एनआरएन इन्फ्रास्ट्रक्चर एन्ड डेभलपमेन्ट कम्पनीको सेयर सर्वाधिक ४५ करोड २६ लाखको कारोबार भएको छ ।
सम्बन्धित शीर्षकहरु
मुख्य खबर
उच्चस्तरीय आर्थिक सुधार सुझाव आयोगले सरकारलाई बुझायो प्रतिवेदन
उच्चस्तरीय आर्थिक सुधार सुझाव आयोगले सरकारलाई अन्तरिम प्रतिवेदन बुझाएको छ । आयोगका अध्यक्ष रामेश्वर खनालले अर्थमन्त्री विष्णुप्रसाद पौडेललाई सो प्रतिवेदन बुझाएका हुन् ।
नेपाल र चीनबीच ८ सहमतिपत्रमा हस्ताक्षर, आपसी सहकार्यसम्बन्धी सहमतिले थप विकासको ढोका खोलिँदै
नेपाल र चीनबीच ८ सहमतिपत्रमा हस्ताक्षर भएको छ । चीन भ्रमणमा रहेका प्रधानमन्त्री केपी शर्मा ओली र चिनियाँ समकक्षी ली छ्याङबीच मंगलबार ८ बुँदे सहमतिपत्रमा हस्ताक्षर भएको हो।
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया