२३ पुस/अर्थ र व्यापार – यस साताको तेस्रो कारोबार दिन मंगलबार पनि सेयर बजारको वृद्धिले निरन्तरता पाएको छ । अघिल्लो कारोबार दिनको तुलनामा यसदिन नेप्से परिसूचक ६ दशमलब १६ अंकले बढेको छ । यस वृद्धिसँगै नेप्से परिसूचक बढेर २६ सय ४६ विन्दुमा कायम भएको छ । यो बृद्धिसहित लगातार पाँचौं दिन पनि सेयर बजार बढेको हो ।
यसदिन बजारको परिसूचक बढ्दा कारोबार रकम भने अघिल्लो दिनको तुलनामा घटेको छ । यसदिन कुल ५ अर्ब ३८ करोड ४६ लाख ७२ हजार २ सय ९५ रुपैयाँको सेयर कारोबार भएको छ । अघिल्लो दिन ६ अर्ब ३० करोड रुपैयाँ बढीको कारोबार भएको थियो ।
मंगलबार कारोबारमा आएका आएका मध्ये १ सय २६ वटा कम्पनीको सेयर मूल्य बढेको छ । १ सय ७ वटा कम्पनीको सेयर मुल्य घट्यो भने १० वटाको स्थिर रहेको छ । यसदिन सबैभन्दा धेरै फाइनान्स उपसमुहको सेयर मुल्य बढेको छ । फाइनान्स उपसमूहको सेयर मुल्य २ दशमलब ६५ प्रतिशतले बढेको छ ।
यसैगरी, व्यापार उपसमुहको सून्य दशमलब ५९ प्रतिशत, निर्जीवन बीमा उपसमुहको सून्य दशमलब ४२ प्रतिशत, माइक्रोफाइनान्स उपसमुहको सून्य दशमलब ४४ प्रतिशत, जीवन बीमा उपसमुहको सून्य दशमलब ६७ प्रतिशत, हाइड्रोपावर उपसमुहको सून्य दशमलब ४२ प्रतिशत र विकास बैंक उपसमुहको सून्य दशमलब ८० प्रतिशतले सेयर मुल्य बढेको छ । बैंकिङ उपसमुहको सेयर मुल्य सून्य दशमलब २७ प्रतिशतले घटेको छ , होटल तथा पर्यटन सून्य दशमलब ०४ प्रतिशत, अन्य समुहको सून्य दशमलब १८ प्रतिशत र उत्पादन क्षेत्र उपसमूहको सून्य दशमलब २५ प्रतिशतले सेयर मुल्य घटेको छ ।
यसदिन तीनवटा कम्पनीको सेयर मूल्यमा १० प्रतिशतको सकारात्मक सर्किट लागेर बढ्यो । सप्तकोशी विकास बैंक, न्यादी हाइड्रोपावर र प्रभु महालक्ष्मी लाइफ इन्स्योरेन्सको सेयर मूल्य १० प्रतिशतले बढेको छ । सिन्धु विकास बैंकको ९ दशमलब ७ प्रतिशत, समृद्धि फाइनान्सको ९ प्रतिशत , सामुदायिक लघुवित्तको ८ दशमलब ६ प्रतिशत र अपरहेवाखोलाको ८ दशमलब ३ प्रतिशतले सेयर मूल्य बढेको छ ।
कारोबार रकमका आधारमा सिन्धु विकास बैंक, सप्तकोशी विकास बैंक, साहस ऊर्जा, एनआरएन इन्फ्रास्ट्रक्चर र भूगोल इनर्जी क्रमशः अगाडि रहेको छ । यसदिन आत्मनिर्भर लघुवित्त र दोल्ती पावरको सेयर मूल्य १० प्रतिशतले घट्यो ।