२९ कात्तिक/अर्थ र व्यापार – यो साताको अन्तिम कारोबार दिन बिहीबार सेयर बजारको परिसूचक नेप्से १३ दशमलब ९५ अंकले बढेको छ । यस अंकको वृद्धिसँगै नेप्से २७ सय ४८ बिन्दुमा आएको छ ।
अघिल्लो करोबार दिनको तुलनमा मंगलबार सेयर करोबार रकम पनि बढेको छ । यस दिन १० अर्ब ३२ करोड ३ लाख ३१ हजार ४ सय ३६ रुपैयाँको सेयर कारोबार भएको छ । अघिल्लो दिन बुधबार जम्मा ७ अर्ब ९१ करोड रुपैयाँको सेयर कारोबार भएको थियो ।
यसदिन कारोबारमा आएका कुल ३ सय २१ वटा कम्पनीहरु मध्ये १ सय ५९ वटा कम्पनीको सेयर मूल्य बढेको छ । यसैगरी, ७९ वटा कम्पनीको सेयर मुल्य घट्यो भने ६ वटाको स्थिर रह्यो ।
यस दिन हाइड्रोपावर उपसमूह सबैभन्दा धेरै १ दशमलब ३४ प्रतिशतले बढ्यो । विकास बैंक उपसमुह १ दशमलब २१ प्रतिशत , बैंकिङ उपसमुह सुन्य दशमलब ४४ प्रतिशत , होटल तथा पर्यटन उपसमुह सुन्य दशमलब ९३ प्रतिशत , माइक्रोफाइनान्स उपसमुह सुन्य दशमलब ७७ प्रतिशत र अन्य समूहको सेयर मुल्य सुन्य दशमलब ६३ प्रतिशतले बढेका छन् ।
कारोबारमा आएका विभिन्न कम्पनीहरुमध्ये तीनवटा कम्पनीहरु गुराँस लघुवित्त, स्वाभिमान लघुवित्त र अपरहेवाखोला जलविद्युत् कम्पनीको सेयर मूल्य १० प्रतिशतले बढ्यो । ङादी ग्रुपको ९.७९ प्रतिशत, माछापुच्छ्रे बैंकको ९ दशमलब ५६ प्रतिशत , धौलागिरि लघुवित्तको ८.७ प्रतिशतले मूल्य बढ्यो ।
यो दिन फाइनान्स उपसमुहको सुन्य दशमलब ०९ प्रतिशत , लगानी उपसमुहको सुन्य दशमलब ०३ प्रतिशत , जीवन बीमा ०.०३ प्रतिशत , उत्पादन ०.३ प्रतिशत , निर्जीवन बीमा ०.०८ प्रतिशत र व्यापार उपसमूहको ०.६२ प्रतिशतले सेयर मुल्य घटेका छन् ।
यसैगरी, रावा इनर्जीको मूल्य सबैभन्दा धेरै ९.१२ प्रतिशत घट्यो । त्यस्तै कुथेली बुकरी स्मल हाइड्रोपावरको ७.३, पिपुल्स हाइड्रोपावरको ६.०८, सुपरमाइ हाइड्रोपावरको ४.९२, समृद्धि फाइनान्सको ४.३६ प्रतिशत घट्यो ।
यसदिन धेरै कारोबार भएका कम्पनीमा जानाकी फाइनान्स, ङादी ग्रुप पावर, समृद्धि फाइनान्स, नेपाल फाइनान्स, पिपुल्स हाइड्रोपावर क्रमश अगाडि रहेका छन् । यस साताको मात्र नभएर मंसिर महिनाकै अन्तिम कारोबार दिन मंगलबार समग्रमा नेप्से परिसूचक उकालो लागेको छ ।
यसदिन कारोबारमा आएका फाइनान्स, इन्भेष्टमेन्ट, लाइफ इन्स्योरेन्स, उत्पादन तथा प्रशोधन, निर्जीवन बीमा र ट्रेडिङ बाहेकका उपसमूहले बजार बढाएका हुन्। यसदिन हाइड्रोपावर र विकास बैंकको सूचक सर्वाधिक वृद्धि भएको छ भने सर्वाधिक जानकी फाइनान्सको ३५ करोड २४ लाख रुपैयाँको सेयर किनबेच भएको छ ।