२६ कात्तिक/अर्थ र व्यापार– यस साताको दोस्रो कारोबार दिन सोमबार सेयर बजारको परिसूचक नेप्से २२.१४ अंक बढेको छ । नेप्सेमा सो अंकको वृद्धिसँगै २७ सय ६० बिन्दुमा कायम भएको छ ।
यसदिन अघिल्लो दिनको तुलनामा नेप्से परिसूचकसँगै सेयर कारोबार रकम पनि बढेको छ । सोमबार कुल ११ अर्ब ३१ करोड ५२ लाख ७ हजार १२७ रुपैयाँको सेयर खरिदविक्री भएको छ । अघिल्लो कारोबारदिन जम्मा ९ अर्ब ७७ करोड ११ लाख २४ हजार ७३ रुपैयाँको सेयर खरिदविक्री भएको थियो ।
यसदिन कुल १ सय ४३ वटा कम्पनीको मूल्य बढ्दा ९२ वटा कम्पनीको सेयर मुल्य घटयो । यसैगरी, ९ वटा कम्पनीको सेयर मुल्य स्थिर रहेको छ । यस दिन सेयर बजारको कुल १३ वटा समुहगत सूचकहरुमा घट्ने र बढ्ने उपसमुहहरुमा मिश्रित अवस्था देखिएको छ । सोमबार माइक्रोफाइनान्स उपसमुहको सूचक सबैभन्दा धेरै ३ दशमलब २ प्रतिशतले बढेको छ । यसैगरी, बैंकिङ उपसमुहको १ दशमलब सुन्य ४ प्रतिशत, लगानी उपसमुहको १ दशमलब २८ प्रतिशत , जीवन बीमा उपसमुहको १ दशमलब ६६ प्रतिशत, उत्पादन उपसमुहको सुन्य दशमलब ०१ प्रतिशत , अन्य उपसमुहको सुन्य दशमलब २१ प्रतिशत र व्यापार उपसमूहको सुन्य दशमलब ७३ प्रतिशतले सेयर मुल्य बढेको छ ।
त्यसैगरी, निर्जीवन बीमा उपसमुहको सुन्य दशमलब २२ प्रतिशत, विकास बैंक उपसमुहको सन्य दशमलब १० प्रतिशत, फाइनान्स उपसमुहको सून्य दशमलब ३० प्रतिशत र हाइड्रोपावर उपसमुहको सून्य दशमलब ०५ प्रतिशतले सेयर मुल्य घटेका छन् ।
यसदिन विभिन्न ८ वटा कम्पनीको सेयर मूल्य १० प्रतिशतले बढ्यो । सामुदायिक लघुवित्त, सपोर्ट माइक्रोफाइनान्स, गुराँस लघुवित्त, मानुषी लघुवित्त, सिर्जनशील लघुवित्त, माछापुच्छ्रे बैंक, कुथेली बुकरी स्मल हाइड्रोपावर र सीवाईसी लघुवित्तको सयेर मूल्यमा सर्किट नै लागेर १० प्रतिशत बढ्यो । यसैगरी, गुडविल फाइनान्सको ९ दशमलब ८ प्रतिशत तथा नारायणी विकास बैंकको ९ दशमलब ६ प्रतिशत मूल्य बढेको छ ।
यसदिन इस्टर्न हाइड्रोपावरको मूल्य १० प्रतिशत,समृद्धि फाइनान्सको ९ दशमलब ७ प्रतिशत , सानिमा जीआईसी इन्स्योरेन्सको ४ दशमलब १ प्रतिशतले सेयर मुल्य घट्यो । कारोबार रकमका आधारमा साहस ऊर्जा, हिमालयन रिइन्स्योरेन्स, अरुणभ्याली हाइड्रोपावर, सानिमा माइ हाइड्रोपावर र समृद्धि फाइनान्स क्रमशः अगाडि रहेका छन् ।
सोमबार कारोबारमा आएका विकास बैंक, फाइनान्स, होटल तथा पर्यटन, हाइड्रोपावर र निर्जीवन बीमाबाहेकका उपसमूहले मात्र बजार बढाएका हुन् । कारोबारमा आएका ३ सय २ वटा कम्पनीहरु मध्ये सेयरमूल्य बढ्दा १ सय ४३ वटा कम्पनीका लगानीकर्ताले कमाएका छन् ।