११ कात्तिक/अर्थ र व्यापार – यो साताको पहिलो कारोबार दिन आइतबार पनि सेयर बजारमा ओरालो यात्रा कायमै रहेको छ । आइतबार सेयर बजारको परिसूचक नेप्से ९ दशमलब १९ मंकले घटेर २६ सय १७ दशमलब ९५ विन्दुमा झरेको छ ।
अघिल्लो कारोबार दिनको तुलनामा आइतबार नेप्से परिसूचकसँगै कारोबार रकम पनि घटेको छ । अघिल्लो कारोबार दिन बिहीबार ५ अर्ब ४१ करोडको कारोबार भएको थियो ।
यस दिन जम्मा ४ अर्ब ७३ २४ लाख ८७ हजार ८६४ रुपैयाँ बराबरको कारोबार भएको छ । यसदिन कुल ३ सय २० वटा कम्पनीको कारोबार भएको थियो । जसमा ९२ वटा कम्पनीको सयेर मूल्य बढ्दा १४० वटाको घट्यो । ११ वटा कम्पनीको स्थिर रह्यो ।
यसदिन बैंकिङ समूहको सूचक सबैभन्दा धेरै १ दशमलब ३० प्रतिशतले घट्यो । बैंकहरुले चालु आर्थिक वर्ष २०८१/८२ को पहिलो त्रैमासिक वित्तीय विवरण सार्वजनिक गरेको दिनदेखि नै ओरालो लागेको बैंकिङ समुहको सेयर बजार अझै सम्हालिएको छैन । बैंकिङ क्षेत्रको वित्तिय विवरण त्यति सन्तोषजनक नदेखिएपछि अहिले यो समूहका लगानीकर्ताले निरन्तर घाटा व्यहोर्नु परेको छ ।
यसदिन जीवन बीमा समूह १ दशमलब १५ प्रतिशत , फाइनान्स १ दशमलब ११ प्रतिशत , होटल तथा पर्यटन सुन्य दशमलब ६९ प्रतिशत , हाइड्रोपावर सुन्य दशमलब ४७ र व्यापारको समुहको सेयर मुल्य सुन्य दशमलब २० प्रतिशत बढेका छन् ।
यीबाहेकका सबै समूहगत सूचक घटेका छन् । बैंकिङ समूहको सूचक सबैभन्दा धेरै प्रतिशत घट्यो । यसैगरी, विकास बैंक उपसमुह सुन्य दशमलब ५१ प्रतिशत , लगानी उपसमुह सुन्य दशमलब १७ प्रतिशत , उत्पादन सुन्य दशमलब ९१ प्रतिशत, माइक्रोफाइनान्स सुन्य दशमलब ७३ प्रतिशत , निर्जीवन बीमा सुन्य दशमलब ४४ प्रतिशत र अन्य समूहका सेयर मुल्य सुन्य दशमलब ३२ प्रतिशतले घटेका छन् । यस दिन लाइफ इन्स्योरेन्स कर्पोरेसन, रिभर फल्स पावर, माइखोला हाइड्रोपावर र समृद्धि फाइनान्सको मूल्य १० प्रतिशतले बढेर लगानीकर्ताले राम्रो नाफा कमाएका छन् । कारोबार रकमका आधारमा आईसीएफसी फाइनान्स, नेपाल एसबीआई बैंक, सीईडीबी हाइड्रोपावर, नेपाल फाइनान्स र समृद्धि फाइनान्स क्रमशः अगाडि रहेका छन् ।
कालिन्चोक दर्शनको ९.७७ प्रतिशत , मकर जितुमाया हाइड्रोको ७.३९ प्रतिशत , नेपाल फाइनान्सको ६.६८ प्रतिशत , जानाकी फाइनान्सको ५.९० प्रतिशतले सेयर मूल्य बढ्यो । आइतबार नेपाल एसबीआई बैंकको मूल्य ६.७९ प्रतिशत घट्यो । प्राइम कमर्सियल बैंकको ४.१७ प्रतिशत , रावा इनर्जीको ४.०३ प्रतिशत र आईसीएफसी फाइनान्सको ३.८३ प्रतिशतले घट्यो ।