नेप्से २५.८८ अंकले बढ्यो
६ कात्तिक/अर्थ र व्यापार – यो साताको तेस्रो सेयर करोबार दिन नेप्से परिसूचक २५.८८ अंकले बढेर २६ सय ६५.८१ विन्दुमा आइपुगेको छ ।
यसअघिका पछिल्लो दुई दिनमा १०० अंक भन्दा बढीले घटेको सेयर बजार मंगलबार पुनः बजार सम्हालिएर यसरी उकालो लागेको छ ।
अघिल्लो कारोबार दिन आइतबार नेप्सेमा ४७.४४ अंक र सोमबार ५७.९९ अंकको गिरावट आएको थियो। मंगलबार केही बजार बढेसँगै सबै उपसमूहले बजार बढाएका हुन्। यसदिन फाइनान्सको सूचक ३.०३ प्रतिशतले वृद्धि भएको छ । कारोबार खुलेदेखि उचारचढावपूर्ण बनेको नेप्से अन्तिम समयमा आएर केही बढेको हो।
यसदिन कारोबारमा आएका ३ सय १४ वटा कम्पनीहरु मध्ये १ सय ९९ वटा कम्पनीको सेयर मुल्य बढेको छ । रवा इनर्जी डेभलपमेन्टको सेयर मूल्य सर्वाधिक ८.८६ प्रतिशतले वृद्धि भएको छ।
यसदिन ४० वटा कम्पनीका लगानीकर्ताले गुमाएका छन् । विन नेपाल लघुवित्तको सेयर मूल्य सर्वाधिक ४.७५ प्रतिशतले घटेको छ । मंगलबार कुल ४ अर्ब १७ करोड १६ लाख रुपैयाँको सेयर किनबेच भएको थियो । अघिल्लो दिन आइतबार कुल ५ अर्ब ९० करोडको कारोबार भएको थियो । यसदिन गुडविल फाइनान्सको सर्वाधिक १७ करोड ३२ लाख रुपैयाँको कारोबार भएको थियो । कारोबार रकमका आधारमा गुडविल फाइनान्स, कुमारी बैंक, हिमालयन रिइन्स्योरेन्स, पिपुल्स हाइड्रोपावर र एसबीआई बैंक क्रमशः अगाडि रहेका थिए ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया