२० असोज/अर्थ र व्यापार – साताको पहिलो कारोबार दिन आइतबार सेयर बजार परिसूचक दोहोरो अंकले बढेको छ । यसअघि बजार घटेर केही घाटा सहेर बसेका लगानीकर्ताबीच अहिले धमाधम उकालो लाग्दै गरेको सेयर बजारले थप उत्साह छाएको छ । दसैंको बेला उत्साहकासाथ बजार बढेपछि अबको दसैं बिदा अघिका ३ कारोबार दिन पनि थप राम्रो हुने छनक देखिएको छ ।

नेप्से परिसूचक आइतबार ५६.०९ अंकले बढेर २६ सय ५३ दशमलब ५८ विन्दुमा पुगेको हो । यसदिन १३ वटै उपसूहको सूचक बढ्दा फाइनान्स उपसमूह सबैभन्दा धेरै ६.३० प्रतिशतले बढेको छ।
आइतबारको बजारमा २१९ कम्पनीका लगानीकर्ताले कमाएका छन्। धेरै कमाउनेमा ङ्यादी हाइड्रोपावरका लगानीकर्ता छन्। यो कम्पनीको सेयर मूल्यमा पोजेटिभ सर्किट लागेको छ ।
२३ कम्पनीका लगानीकर्ताले भने गुमाएका छन्। धेरै गुमाउनेमा विन नेपाल लघुवित्तका लगानीकर्ता छन्। यो कम्पनीको सेयर मूल्यमा नेगेटिभ सर्किट लागेको छ ।
यसदिन सेयर बजारमा ६ अर्ब १३ करोड ८२ लाख रुपैयाँको सेयर किनबेच भयो । साहस ऊर्जाको सबैभन्दा धेरै ६३ करोड ८३ लाख रुपैयाँको सेयर किनबेच भएको थियो ।
यो साताको पहिलो दिन आइतबार सेयर बजारका सबै सूचक बढेका छन् । नेप्से परिसूचक ५६.०९ अंक बढेको छ । सो अंकको वृद्धिपछि नेप्से २६५३ मा कायम भएको छ । सेन्सिटिभ सूचक २ प्रतिशत बढेको छ ।
कारोबार रकम भने घटेको छ । अघिल्लो दिन ६ अर्ब ७७ करोड रुपैयाँको कारोबार भएको थियो । यसदिन कुल २ सय १९ वटा कम्पनीको मूल्य बढ्दा २३ वटाको घट्यो । २ वटाको स्थिर रह्यो । यस दिन फाइनान्स समुहमा लगानीकर्ताको आकर्षण देखिएको थियो । सोही कारण फाइनान्स सूचक सबैभन्दा धेरै ६दशमलब ३० प्रतिशतले बढेका छन । बैंकिङ समुह २ दशमलब २० प्रतिशत , विकास बैंक समुह २ दशमलब २२ प्रतिशत , होटल तथा पर्यटन समुह १ दशमलब ७१ प्रतिशत , हाइड्रोपावर समुह २ दशमलब ७३ प्रतिशतले बढेका छन ।
यसैगरी, लगानी समुह १ दशमलब ९९ प्रतिशत , जीवन बीमा समुह १ दशमलब ३४ प्रतिशत, उत्पादन समुह ३ दशमलब १२ प्रतिशत , माइक्रोफाइनान्स समुह १ दशमलब ४७प्रतिश , निर्जीवन बीमा समुह १ दशमलब ४९ प्रतिशत, अन्य समुह १ दशमलब ६२ प्रतिशत र व्यापार समुहका सेयर मुल्य सून्य दशमलब ९० प्रतिशतले बढेको थियो ।
जसमध्ये न्यादी हाइड्रोपावरको मूल्य १० प्रतिशतले बढेर सर्किट लागेको थियो । मध्यभोटेकोशीको ९ दशमलब ७ प्रतिशत , इस्टर्न हाइड्रोपावरको ९ दशमलब ६ प्रतिशत , गुडविल फाइनान्सको ९ दशमलब २७ प्रतिशत , सिनर्जी पावरको ८ दशमलब १ प्रतिशत सेयर मूल्य बढेका छन् ।
विन नेपाल लघुवित्तको १० प्रतिशत, स्वरोजगार लघुवित्तको ५ दशमलब ३ प्रतिशत , उपकार लघुवित्तको ४ दशमलब ४ प्रतिशत मूल्य बढ्यो । कारोबार रकमका आधारमा यसदिन साहस ऊर्जा, एनआरएन इन्फ्रास्ट्रक्चर, नेपाल फाइनान्स, गुडविल फाइनान्स र एसियन लाइफ इन्स्योरेन्स प्रमोटर सेयर क्रमशः अगाडि रहेका छन् ।