३० भदौ/अर्थ र व्यापार – सेयर बजार यो साताको पहलिो कारोबार दिन आइतबार सेयर बजारमा उच्च गिरावट आएर नेप्से ५०.७३ अंकले घटेको छ । यसदिन नेप्से ५०.७३ अंकले घटेर २६ सय ३७ दशमलब ७९ विन्दुमा आइपुगेको छ ।
गत साता अन्तिम दिन हरियाली छाएको नेप्से यो साताको पहिलो दिन नै ओरालो लागेको हो। आइतबार कारोबारमा आएका सबै उपसमूहको सूचकमा गिरावट आएको छ । फाइनान्स समूहको सूचक सर्वाधिक ३.५३ अंकले घटेको छ ।
कारोबारमा आएका ३२४ वटा कम्पनीमध्ये २१९ कम्पनीका लगानीकर्ताले गुमाएका छन्। थ्रीस्टार हाइड्रोपावरको सेयर मूल्यमा सर्वाधिक गिरावट आएको छ । यस कम्पनीका लगानीकर्ताले १० प्रतिशतले गुमाएका छन्।
त्यस्तै, ग्रीनलाइफ हाइड्रोपावरका लगानीकर्ताले ९.४० प्रतिशतले गुमाएका छन्। उच्च अंकले घटेको बजारमा ४ कम्पनीको सेयर मूल्यमा सकारात्मक सर्किट लागेको छ।
यसदिन कुल १० अर्ब ३३ करोड ९२ लाख रुपैयाँको सेयर किनबेच हुँदा सर्वाधिक सीइडीबी हाइड्रोपावरको ६४ करोड ३८ लाख रुपैयाँको सेयर कारोबार भएको छ।
त्यस्तै, एनआरएन इन्फ्रास्ट्रक्चर डेभलपमेन्ट फण्ड ३५ करोड २८ लाख र हिमालयन रिइन्स्योरेन्सको २८ करोड ३० लाख रुपैयाँको सेयर किनबेच भएको छ।