२७ भदौ/अर्थ र व्यापार– साताको अन्तिम कारोबार दिन बिहीबार सेयर बजार ७८.३२ अंक बढेको छ । ३ प्रतिशत बढेसँगै नेप्से परिसूचक २६सय ८८ विन्दुमा पुगेको छ । बजार बढ्दा कारोबार रकम पनि बढेको छ ।
अघिल्लो दिन ६ अर्ब ८५ करोड रुपैयाँको सेयर कारोबार भएकोमा बिहीबार ८ अर्ब १६ करोड रुपैयाँको कारोबार भएको थियो । अघिल्लो दिनसम्म अन्तिम समयतिर उच्च दरले घट्ने गरेको बजारमा बिहीबार भने सकारात्मक स्थिति देखियो । दिउँसो १ ः ४६ बजेदेखि बजार उच्च दरले उकालो लाग्यो ।
यसदिन २ सय २९ कम्पनीको मूल्य बढ्दा १२ वटाको घट्यो भने ३ वटाको स्थिर रह्यो । सबैजसो क्षेत्रका सूचक बढेका छन् । बैंकिङ २.६६, विकास बैंक २.७०, फाइनान्स ३.४०, होटल तथा पर्यटन २.५०, हाइड्रोपावर ४.२४, लगानी ३.७२, जीवन बीमा ३.४६, उत्पादन २.१४, माइक्रोफाइनान्स १.५८, निर्जीवन बीमा २.०१, अन्य ३.८२ र व्यापार ०.६३ प्रतिशत बढेका छन् ।
७ कम्पनीको मूल्य १० प्रतिशत बढ्यो । विन नेपाल लघुवित्त, ग्रीन भेन्चर, इस्टर्न हाइड्रोपावर, रावा इनर्जी, एसियन हाइड्रोपावर, सिंगटी हाइड्रोपावर तथा इमर्जीङ नेपालको मूल्य १० प्रतिशत बढ्यो । त्यस्तै मायाखोला हाइड्रोपावरको ९.८, मकर जितुमाया सुरी हाइड्रोपावरको ९.६, एचआईडीसीएलको ९.२ प्रतिशत मूल्य बढ्यो ।
थ्रीस्टार हाइड्रोपावरको मूल्य १० प्रतिशत घट्यो । सोबाहेक मूल्य धेरै घट्नेमा म्युचुअल फन्डका योजनाहरु अगाडि रहे । कारोबार रकमका आधारमा सीईडीबी हाइड्रोपावर, हिमालयन रिइन्स्योरेन्स, एनआरएन इन्फ्रास्ट्रक्चर, अपि पावर र एचआईडीसीएल संस्थापक सेयर क्रमशः अगाडि रहेका छन् ।
तपाईको प्रतिक्रिया