२६ भदौ/अर्थ र व्यापार – अघिल्लो सातादेखि निरन्तर घटिरहेको सेयर बजारमा बुधबार पनि घट्नेक्रम नरोकिएर बियरिस ट्रेन्डमा देखिएको छ ।
लामो समयदेखि सयेर बजारमा देखिएको गिरावटले बुधबार पनि निरन्तरता पायो । नेप्से परिसूचक २२ दशमलब ७३ अंकले घटेर २६ सय १० दशमलब २१ विन्दुमा आइपुगेको छ।
बजारमा पछिल्लो एक सातादेखि निरन्तर गिरावट आएको छ । गत साता बुधबार ९०.७२ र बिहीबार १२.१० अंकले घटेको नेप्से यो साता आइतबार २५.४६, सोमबार ५५.८६ र मंगलबार १३.०९ अंकले ओरालो लागेको थियो।
लामो समयसम्म यसरी बजारमा लगातार गिरावट आउँदा गत ३१ साउनमा ३ हजार विन्दुमा पुगेको नेप्से यो महिना मात्र ३९० अंकले घटेको छ ।
बुधबार फाइनान्स, निर्जीवन बीमा कम्पनी र ट्रेडिङ बाहेकका उपसमूहले बजार घटाएका हुन्। यसदिन १७४ कम्पनीका लगानीकर्ताले गुमाएका छन्। एसियन हाइड्रोपावरको सेयर मूल्य सर्वाधिक ६.८८ प्रतिशतले ओरालो लागेको छ । ६६ कम्पनीको सेयर भाउ बढेको छ। विन नेपाल लघुवित्तको सेयर मूल्य सर्वाधिक १० प्रतिशतले बढेको छ।
कारोबार रकम ७ अर्बबाट तल झरेको छ। ६ अर्ब ८५ करोड ११ लाख रुपैयाँको सेयर किनबेच हुँदा सीइडीबी हाइड्रोपावरको सर्वाधिक ३४ करोड ७३ लाख रुपैयाँको कारोबार भएको छ।
अघिल्लो दिन मंगलबार ७ अर्ब २४ करोडको कारोबार भएको थियो । यसदिन ६६ कम्पनीको मूल्य बढ्दा १७४ वटाको घट्यो भने ४ को स्थिर रह्यो ।
फाइनान्स ०.४३ प्रतिशत , निर्जीवन बीमा ०.०१ र व्यापार ०.१६ प्रतिशत बढे । भने अन्य क्षेत्रका सूचक घटेका छन् । बैंकिङ ०.९३, विकास बैंक १.०२, होटल तथा पर्यटन ०.६०, हाइड्रोपावर ०.९२, लगानी १.८७, उत्पादन १.०१, माइक्रोफाइनान्स ०.५४, अन्य ०.६१ प्रतिशत घटेका छन ।
बुधबार विन नेपाल लघुवित्तको १० प्रतिशतले बढेर सर्किट लागेको थियो । यसैगरी, थ्रीस्टार हाइड्रोको ९.४ प्रतिशत तथा समाज लघुवित्तको ६.८ प्रतिशत मूल्य बढ्यो । एसियन हाइड्रोपावरको ६.८ प्रतिशत मूल्य घट्यो । कर्पोरेट डेभलपमेन्ट बैंक, लाइफ इन्स्योरेन्स कर्पोरेसनको ४.८, मनकामना इन्जिनियरिङको ४.६ प्रतिशतले मूल्य घट्यो ।
कारोबार रकमका आधारमा सीईडीबी हाइड्रोपावर, एनएलजी इन्स्योरेन्स, ग्रिनलाइफ हाइड्रोपावर, समृद्धि फाइनान्स र एचआईडीसीएल प्रमोटर क्रमशः अगाडि रहेका थिए ।