२४ भदौ/अर्थ र व्यापार – सेयर बजारको परिसूचक नेप्से सोमबार ५५.८६ अंक घटेको छ । सो अंकको कमीपछि नेप्से २६४६ अंकमा कायम भएको छ । सोमबारको बजारमा दिनभर बिक्री गर्ने लगानीकर्ताको पक्ष हाबी बनेकाले यो अवस्था देखिएको हो ।
यसदिन २२ वटा कम्पनीको मूल्य बढ्दा २२२ कम्पनीको घट्यो । बजार घट्दा कारोबार रकम पनि खुम्चिएको छ । अघिल्लो दिन १० अर्ब १२ करोड रुपैयाँको सेयर कारोबार भएको थियो भने सोमबार जम्मा ९ अर्ब ४३ करोड रुपैयाँको मात्र कारोबार भयो ।
सोमबार सबै क्षेत्रका सूचक घटेका छन् । बैंकिङ समुहतर्फ २.२८, विकास बैंक समुहतर्फ १.८७, फाइनान्स समुहतर्फ २.२७, होटल तथा पर्यटन समुहतर्फ २.६७ प्रतिशतले सेयर मुल्य घटेको छ । यसैगरी, हाइड्रोपावर समुहतर्फ २.४४, जीवन बीमा समुहतर्फ २.४९, उत्पादन समुहतर्फ १.२५, लगानी समुहतर्फ ०.३४, माइक्रोफाइनान्स समुहतर्फ २.३३, निर्जीवन बीमा समुहतर्फ २.४५, अन्य समुहतर्फ १.८३ र व्यापार समुहतर्फ ०.३५ प्रतिशत घटेका छन ।
यो दिन हाथवे इन्भेस्टमेन्ट कम्पनीको सेयर मुल्य ८.९८ प्रतिशतले बढेको छ, नेपाल वेयरहाउजिङको मूल्य ७.५९ प्रतिशत , इमर्जिङ नेपालको ६.३८, सीईडीबी हाइड्रोपावरको ६.२१, स्वरोजगार लघुवित्तको ५.८७ प्रतिशतले मूल्य बढ्यो ।
उन्नति सहकार्य लघुवित्तको ७.७८, सिर्जनशील लघुवित्तको ७.०२, सपोर्ट माइक्रोफाइनान्सको ६.९७, मनकामना इन्जिनियरिङ हाइड्रोपावरको ६.८५, युनिक नेपाल लघुवित्तको ६.५ प्रतिशत मूल्य घट्यो ।
सोमबार कारोबार रकमका आधारमा सीईडीबी हाइड्रोपावर, हिमालयन रिइनस्योरेन्स, हाथवे इन्भेस्टमेन्ट कम्पनी, एचआईडीसीएल संस्थापक र अपी पावर क्रमशः अगाडि रहेका छन् ।
तपाईको प्रतिक्रिया