२० भदौ/अर्थ र व्यापार – यो साताको अन्तिम कारोबार बिहीबार पनि सेयर बजार घटेको छ । अघिल्लो दिनको तुलनामा नेप्से परिसूचक १२.१० अंकले घटेर २७ सय २७.३६ विन्दुमा झरेको छ ।
यसदिन कारोबार रकम पनि खुम्चिएको छ । अघिल्लो दिन १२ अर्ब ९२ करोडको कारोबार भएकोमा बिहीबार ९ अर्ब ६५ करोड १५ लाख रुपैयाँको कारोबार भयो । यसदिन १०१ कम्पनीको मूल्य बढ्दा १३८ को घट्यो भने ५ वटाको स्थिर रह्यो ।
माइक्रोफाइनान्स १.६८ तथा व्यापार सूचक ०.१६ प्रतिशत बढे भने अरु सबै घटेका छन् । बैंकिङ ०.६९, विकास बैंक ०.१३, फाइनान्स ०.५३, होटल तथा पर्यटन ०.११, हाइड्रोपावर १.०१, लगानी १.३६, जीवन बीमा ०.७४, उत्पादन ०.३३, निर्जीवन बीमा ०.५२ र अन्य ०.०१ प्रतिशत घटेका छन् ।
यसदिन गुडविल फाइनान्सको मूल्य ७.८३ प्रतिशत बढ्यो । युनिक नेपाल लघुवित्तको ९.१४, नेस्डो लघुवित्तको ८.४३, विन नेपाल लघुवित्तको ७.५ तथा उन्नति सहकार्य लघुवित्तको ६.९ प्रतिशत मूल्य बढ्यो ।
नेपाल फाइनान्सको मूल्य ८.९१ प्रतिशत घट्यो । बुद्धभूमि हाइड्रोको ५.७७, एनआरएन इन्फ्रास्ट्रक्चरको ५.०३, न्यादी हाइड्रोको ४.८९, मन्दाकिनी हाइड्रोको ४.८२ प्रतिशत मूल्य घट्यो ।
बिहीबार कारोबार रकमका आधारमा नेपाल फाइनान्स, एनएलजी इन्स्योरेन्स, गुडविल फाइनान्स, हिमालयन रिइन्स्योरेन्स र अपी पावर क्रमश अगाडि रहेका छन । क्षेत्रगत रुपमा हाइड्रोपावर समूहको सबैभन्दा धेरै ३ अर्ब ३७ करोडको कारोबार भयो । यसदिन कारोबारमा आएका लघुवित्त र व्यापार बाहेकका उपसमूहका सूचकले सेयर बजार घटाएका हुन्। १३ उपसमूहमा लघुवित्त १.६८ र व्यापार ०.१६ प्रतिशतले बढेको छ ।
अरू ११ वटा घटेका छन्। लगानी उपसमूहको सूचक सर्वाधिक १.३६ अंकले घटेको छ। कारोबारमा आएका ३ सय १६ कम्पनीमध्ये १३८ को सेयरमूल्य घट्दा लगानीकर्ताले गुमाएका छन्।
नेपाल फाइनान्सको सेयर मूल्य सर्वाधिक ८.९१ प्रतिशतले घटेको छ। १०२ कम्पनीको सेयर भाउ बढेको छ भने ४ कम्पनीको स्थिर रह्यो। आत्मनिर्भर लघुवित्त वित्तीय संस्थाको सेयर मूल्यमा सकारात्मक सर्किट लागेको छ ।
यसदिन कुल ९ अर्ब ६५ करोड १५ लाख रुपैयाँको सेयर किनबेच हुँदा सर्वाधिक नेपाल फाइनान्सको ४० करोड ५० लाख रुपैयाँको सेयर किनबेच भएको छ । एनएलजी इन्स्योरेन्सको ३४ करोड २२ लाख र गुडविल फाइनान्सको २९ करोड ९६ लाख रुपैयाँको सेयर कारोबार भएको छ ।