१ साउन/अर्थ र व्यापार – धितोपत्र ब्रोकर्श एशोसिएसन नेपालको तर्फबाट अध्यक्ष सागर ढकालको नेतृत्वमा गएको एशोसिएसनका पदाधिकारीहरुले नवनियुक्त अर्थमन्त्री विष्णुप्रसाद पौडेललाई भेटेर बधाई तथा शुभकामना दिएको छ ।
मंगलबार सिंहदरबारस्थित अर्थमन्त्रीको कार्यकक्षमा पुगेर एशोसिएसनका तर्फबाट अध्यक्ष सागर ढकालले नवनियुक्त अर्थमन्त्रीलाई बधाई तथा शुभकामना दिएका हुन ।
भेटवार्ताका क्रममा अर्थमन्त्रीबाट पूँजी बजारले यसको सुधार विकासका लागि अग्रगामी नेतृत्वको आशा गरेको बताउँदै नवनियुक्त अर्थमन्त्री पौडेलको सफल कार्यकालको शुभकामना तथा बधाई ज्ञापन गरेका थिए ।
धितोपत्र ब्रोकर्श एशोसिएसनका प्रतिनिधीहरुसँगको भेटमा अर्थमन्त्री पौडेलले पूँजी बजारप्रति आफू सकारात्मक रहेको र यस क्षेत्रको विकास र स्थायित्वका लागि आफूले सक्रियता पूर्वक पहल गर्ने बताए ।