५ असार/अर्थ र व्यापार – लगातार तीन दिन गिरावटपछि बुधबार सेयर बजारमा सामान्य सुधार देखिएको छ । सेयर कारोबारमा देखिएको सामान्य सुधारसँगै नेप्से परिसूचक बुधबार २.२७ अंकले बढेको छ ।
तीन दिनमा ४५ अंकले ओरालो लागेको नेप्से बुधबार अन्तिम कारोबार समयमा उचालेर २०७८.७६ विन्दु पु¥याइएको हो । झिनो सुधार भएको बजारमा नेपाल फाइनान्स कम्पनीको सेयर मूल्यमा पोजेटिभ सर्किट लागेको छ ।
यो कम्पनीको सेयर भाउ मात्र अकासिएको होइन, सर्वाधिक रकमको कारोबार हुने सूचीमा पनि नेपाल फाइनान्स नै छ । बजारमा बुधबार ३ अर्ब ४० करोड ४३ लाख रुपैयाँको कारोबार हुँदा नेपाल फाइनान्सको २० करोड २३ लाख रुपैयाँको सेयर किनबेच भएको छ ।
नेपाल फाइनान्सपछि धेरै कारोबार हुने कम्पनी गुर्खाज फाइनान्स हो । यसको ९ करोड ६६ लाख रुपैयाँको सेयर किनबेच भएको छ । बजारमा १सय ३५ कम्पनीको सेयर मूल्य बढंदा १०४ कम्पनीको सेयर सस्तिएको छ ।
मनकामना स्मार्ट लघुवित्तको सेयर मूल्य सबैभन्दा धेरै ओरालो लागेको छ। यो कम्पनीको सेयर ९.८८ प्रतिशतले सस्तो भएको हो।