२ असार/अर्थ र व्यापार – सेयर बजारमा दोहोरो अंकले गिरावट आएको छ । साताको पहिलो दिन आइतबार सेयर बजारको परिसूचक नेप्से २१ सयमुनि झरेको छ । अघिल्लो दिनको तुलनामा नेप्से १७.०४ अंक घटेर २०९५ अंकमा आइपुगेको हो ।
यसदिन कुल ५ अर्ब ४७ करोड रुपैयाँको कारोबार भएको छ । आइतबार नेप्से परिसूचक १३ मध्ये होटल तथा पर्यटन बाहेकका सबै उपसमूह घटे । जसले बजार घटाएका छन। माइक्रोफाइनान्स उपसमूहका लगानीकर्ताले सर्वाधिक १.७१ प्रतिशतले गुमाएका छन्।
कारोबारमा आएका ३ सय १७ मध्ये १ सय ७७ कम्पनीको सेयर मूल्य घटेको छ । भगवती हाइड्रोपावर डेभलपमेन्ट कम्पनीको सेयर मूल्यमा नकारात्मक सर्किट लागेको छ । ६४ कम्पनीको सेयर मूल्य बढेको छ ।
नेपाल फाइनान्स कम्पनीको सेयर मूल्यमा सकारात्मक सर्किट लागेको छ । ५ अर्ब ४७ करोड २२ लाख रुपैयाँको सेयर कारोबार हुँदा सर्वाधिक नेपाल फाइनान्सको ३० करोड ४० लाख रुपैयाँको सेयर किनबेच भएको छ ।
यसैगरी, एनआरएन इन्फ्रास्ट्रक्चरको १८ करोड १९ लाख र ज्ञादी ग्रुपको १५ करोड २५ लाख रुपैयाँको सेयर कारोबार भएको छ ।
तपाईको प्रतिक्रिया