२५ जेठ / अर्थ र व्यापार- नेकपा एमाले निकट नेपाल उद्योग तथा व्यवसायी महासंघ अन्तरगत सागर ढकालको संयोजकत्वमा पुँजी तथा वित्त बजार संघ गठन गरेको छ । महासंघले आफ्नो वस्तुगत संघका रुपमा रहने गरि ढकालको संयोजकत्वमा पूँजी बजार तथा वित्त बजार संघ गठन भएको छ। यो संघ पूँजीबजार सम्बन्धि एमालेको पहिलो र आधिकारिक संघ हो ।

त्यसैगरी संघको उपाध्यक्षमा कृष्ण गिरी, महासचिवमा कुमार पौडेल र कोषाध्यक्षमा बलराम राई र सचिवमा डिल्लीराम पंगेनी चयन भएका छन् । त्यस्तै सदस्यहरुमा संजिव ढकाल, वीरबहादुर तामाङ, तेजप्रसाद अर्याल, बुद्धिराज ढकाल, राजेश कार्की, दिपक अधिकारी, संगीता तिमल्सिना, सुरज खड्का र प्रकाश भुसाल चयन भएका छन् । त्यस्तै संघको सल्लाहकारमा राजकुमार तिमिल्सिना, तिलक कोइराला, राधा पोखरेल र धर्मराज सापकोटा चयन भएका छन् ।

कार्यक्रममा महासंघका संयोजक भागिरथ सापकोटाले अवका दिनमा नव गठित संघले ६३ लाख लगानीकर्ताको हितमा काम गर्नुपर्ने बताए । साथै यो संघ पार्टीको आधिकारिक संस्था भएकाले पुंजी र वित्त वजार मैत्री नीति–नियम बनाउन पार्टीको हरेक तह र तप्कामा पुगेर पहल गरिने जानकारी दिए । संघको गठनसँगै अवका दिनमा पुँजी बजारमा देखिएका समस्या समाधानमा सशक्त रुपमा आवाज उठाउने संयोजक सागर ढकालले बताए ।