१५ फागुन/अर्थ र व्यापार – देस आर्थिक मन्दिमा गएर मान्छेसँग पैसा छैन भनिएको बेला अहिले सर्वोत्तम सिमेन्टको आइपीओमा १०.२० गुणा आवेदन परिसकेको छ। न्युनतम १८ हजार ४५ रुपैयाँ लगानीमा ५० कित्ता सेयर भर्नकालागि अहिलेसम्म आवेदक संख्या सवा ५ लाख नागिसकेका छन ।
पहिलो पटक बुक बिल्डिङ विधिबाट जारी गरिएको सर्वोत्तम सिमेन्टको आइपीओमा लगानीकर्ताको उल्लेख्य आकर्षण देखिएको छ । सर्वोत्तम सिमेन्टको आइपीओमा आवेदन भर्ने समय खुलेको तेस्रो दिन मंगलबार बिहानसम्ममा १०.२० गुणा आवेदन परेको छ।
कम्पनीको २७ लाख ७६ हजार ७६ कित्ता आइपीओ सर्वसाधारणलाई बिक्रीका लागि आइतबार आवेदन खुलाइएकामा मंगलबार बिहान १०ः०६ बजेसम्म २ करोड ८३ लाख २७ हजार ६१० कित्ता सेयर माग भइसकेको छ । यस कम्पनीमा आवेदन भर्ने म्याद बुधबारसम्म छ।
सीडीएससी एण्ड क्लियरिङ लिमिटेडका अनुसार अहिलेसम्म ५ लाख २४ हजार ७८ वटा आवेदन परेको छ । जबकि ५५ हजार ५२१ भन्दा बढी आवेदकले आइपीओ पाउँदैनन्।
कम्पनीले सर्वसाधारणका लागि निष्कासन गरेको सेयर कम्तिमा ५० कित्ता भर्नुपर्छ । एक कित्ताको मूल्य ३६०.९० रुपैयाँ छ । यो अहिलेसम्मकै महँगो आइपीओ हो । ५० कित्ताका लागि १८ हजार ४५ रुपैयाँ चाहिन्छ । अधिकतम १० हजार कित्ताका लागि आवेदन दिन पाइन्छ ।
सर्वोत्तमको आइपीओमा १० अर्ब २२ करोड ३४ लाख ३४ हजार ४४९ रुपैयाँको आवेदन परेको छ । आर्थिक गतिविधि सुस्ताउँदा निजी क्षेत्रले मन्दीको अनुभव गरिरहँदा सर्वोत्तम सिमेन्ट भने मुनाफामा छ । यो कम्पनीले आफ्नो उत्पादन भारत समेत निर्यात गर्दै आएको छ ।
तपाईको प्रतिक्रिया