२४ माघ/अर्थ र व्यापार – यस साताको चौथोदिन बुधबार सेयर कारोबारमा सुधार आएको छ । यसदिन पाँच वटा कम्पनीको सेयर मूल्यमा सकारात्मक सर्किट लागेको छ ।
जम्मा ४.९२ अंकले बढेको सेयर बजारमा बुधबार गुराँस लघुवित्त, समाज लघुवित्त, बुद्धभूमि नेपाल हाइड्रोपावर, इस्ट्रन हाइड्रोपावर र एसियन हाइड्रोपावरको मूल्यमा सकारात्मक सर्किट लागेको छ ।
गुराँस लघुवित्तको सेयर मूल्य प्रतिकित्ता ९७.८० रुपैयाँ बढेको छ । ६८ कम्पनीको सेयर मूल्य घट्दा १६८ कम्पनीका लगानीकर्ताले कमाएका छन् । बुधबार नेप्से २०९०.६४ विन्दु कायम भएको छ । कारोबार रकममा पनि केही सुधार भएको छ । ७७ लाख ३२ हजार कित्ता सेयर २ अर्ब ८४ करोड २५ लाख रुपैयाँमा किनबेच भएको छ । यो कारोबार रकम मंगलबारको तुलनामा २५ करोड रुपैयाँले बढी हो।
बुधबार सबैभन्दा धेरै रकमको सेयर कारोबार हुने कम्पनीको सूचीमा हिमालयन रि इन्स्योरेन्स नै पहिलो नम्बरमा छ । यो कम्पनीको सेयर बुधबार २४ करोड ८२ लाख ६८ हजार रुपैयाँको सेयर किनबेच भएको छ।