५ पुस/अर्थ र व्यापार – युनिलिभर नेपालले सेयरधनीहरूको बैंक खातामा नगद लाभांश जम्मा गरेको छ । सेयरधनीहरूको हितग्राही खातामा अद्यावधिक गराएको बैंक खातामा नगद लाभांश जम्मा गरेको सो कम्पनीले जनाएको छ ।
कम्पनीको २६ मंसिरमा सम्पन्न ३०औँ वार्षिक साधारणसभाले गत आर्थिक वर्ष २०७९/८०को नाफाबाट सेयरधनीहरूलाई १५८० प्रतिशत नगद लाभांश प्रस्ताव पारित गरेको थियो ।
सोही नगद लाभांश सेयरधनीहरूको बैंक खातामा ५ पुसदेखि जम्मा गरेको सो कम्पनीले जनाएको छ ।

हालसम्म पनि हितग्राही खातामा बैंक खाता अद्यावधिक नगराएका सेयरधनीहरूलाई तत्काल गर्न कम्पनीले आग्रह गरेको छ ।
यसैगरी, डिम्याट नगराएका सेयरधनीहरुले डिम्याट खोलि अभौतिकीकरण गराई बैंक खाता अद्यावधिक गराउनु पर्ने र सोही बैंक खातामा लाभांश जम्मा गर्ने कम्पनीको भनाइ छ ।

नगद लाभांश बैंक खातामा नगएका सेयरधनीहरूको विवरण सेयर रजिष्ट्रार सनराइज क्यापिटलको वेभसाइटमा हेर्न सकिनेछ । यसैगरी, सेयर धितोमा राखी उपभोग गर्दै आएका सेयरधनीहरूले नो अब्जेक्सन लेटर वा कर्जा चुक्ता भएको प्रमाणपत्र बुझाउनु पर्नेछ ।