६ मंसिर / अर्थ र व्यापार- बुधवार सेयर बजार परिसूचक २०.७६ अंकले बढेको छ । म्युचुअल फण्ड बाहेकका बाँकी १२ उपसमूहले नेप्से बढाएर १८५०.३३ बिन्दुमा पुगेको छ भने सेन्सेटिभ इन्डेक्स २.१५ अंकले बढेको छ ।
बुधवार होटल उपसमूहको सूचक सबैभन्दा धेरै बढेको छ । कारोबारमा आएका कम्पनीमध्ये १९५ वटाको सेयर मूल्य बढेको छ । बुद्धभूमि नेपाल हाइड्रोपावर, पन्चकन्या माई हाइड्रोपावर, माथिल्लो मैलुङ खोला जलविद्युत कम्पनी र थ्रीस्टार हाइड्रोपावरको सेयर मूल्य सर्किट लागेर बढेको छ ।
बजार बढ्दा कारोबार रकममा पनि सुधार देखिएको छ । १ अर्ब ८ करोड रुपैयाँ बराबरको सेयर कारोबार भएको नेपाल स्टक एक्सचेन्जले जनाएको छ । कारोबार रकमका आधारमा सोनापुर मिनरल्स एण्ड आयल लिमिटेड शीर्ष स्थानमा छ । यो कम्पनीको १० करोड ७६ लाख रुपैयाँ बराबरको सेयर किनबेच भएको हो ।
तपाईको प्रतिक्रिया