१० असोज/ अर्थ र व्यापार – बुधबार सेयर बजारका सबै सूचक घटेका छन् । परिसूचक नेप्से २००४ अंकमा झरेको छ । अघिल्लो दिनको तुलनामा परिसूचक १८.६० अंक घटेको हो । परिसूचकसँगै कारोबार रकम पनि घटेको छ ।
मंगलबार २ अर्ब ९ करोडको कारोबार भएकोमा आज १ अर्ब ८१ करोडमा खुम्चियो । कुल ३४ कम्पनीको मूल्य बढ्दा १९३ को घट्यो भने ३ को स्थिर रहृयो । बैंकिङ ७, विकास बैंक ५३, फाइनान्स २५, होटल तथा पर्यटन ४८, जलविद्युत् ३३, जीवन बीमा ८८, उत्पादन तथा प्रशोधन २६, माइक्रोफाइनान्स २९, निर्जीवन बीमा १००, अन्य २० र व्यापार उपसमूह १४ अंक घटे ।
मनकामना इन्जिनियरिङ हाइड्रोको मूल्य ९.९, एसियन हाइड्रोको ७.९ तथा मोलुङ हाइड्रोको ७.६ प्रतिशत बढ्यो । शुभम् पावरको मूल्य १० प्रतिशत तथा हिमालय ऊर्जा विकासको मूल्य ७.६ प्रतिशत घट्यो ।
यसदिन कारोबार रकमका आधारमा सन नेपाल लाइफ, एनआईसी एसिया बैंक, रिलायबल नेपाल लाइफ इन्स्योरेन्स, शिवम् सिमेन्ट र नागरिक लगानी कोष क्रमशः अगाडि रहेका छन ।