४ असोज/अर्थ र व्यापार – सिद्धार्थ क्यापिटल लिमिटेडले बाह्रौं वार्षिक साधारण सभा आह्वान गरेको छ । सञ्चालक समिति बैठकको निर्णयले आगामी २५ असोजका लागि साधारण सभा डाकेको हो।
साधारण सभामा लाभांश वितरण सम्बन्धी प्रस्ताव पेस हुने बताईएको छ । साधारण सभा क्यापिटलको कार्यालयबाट नै सम्पन्न गरिने सो कम्पनीले जनाएको छ ।
क्यापिटलले सभामा लाभांश वितरणको प्रस्तावलाई प्रमुख एजेण्डा बनाएको छ । गत आर्थिक वर्षको मुनाफाबाट लगानीकर्तालाई हाल कायम चुक्ता पुँजीको २५ प्रतिशतले हुन आउने ५ करोड रुपैयाँ रकम बराबरको नगद लाभांश वितरण गर्ने प्रस्ताव पारित गर्ने तयारीमा यस कम्पनी छ।
साधारण सभाबाट पारित भएपछि क्यापिटलले सो लाभांश लगानीकर्ताहरुलाई वितरण गर्ने छ । क्यापिटलले यसअघि अघिल्लो आर्थिक वर्ष २०७८/७९ मा पनि लगानीकर्ताहरुलाई २५ प्रतिशतले हुन आउने ५ करोड रुपैयाँ बराबर नगद लाभांश वितरण गरेको थियो ।