सेयर बजारमा उछाल, नेप्से बढेर उच्च विन्दुमा
३ असार/अर्थ र व्यापार– साताको पहिलो कारोबार दिन आइतबार सेयर बजारमा उछाल देखिएको छ । आइतबार ५२.२६ अंकले बढेर बजार सुचक (नेप्से) २०९४.३३ अंकमा उक्लिएको छ।
बजेटमार्फत् सुरु भएको करको विवाद सल्टिएलगत्तै विस्तारै बढेको सेयर बजार आइतबार चार महिना याताकै उच्चतम विन्दुमा पुगेको छ ।
उकालो पदचाप समातेपछि बजारले हालसम्म २५४ अंक जोडिसकेको छ । बढ्दो तरलता र घट्दो ब्याजका कारण लगानीकर्ता सेयर बजारमा आकर्षित छन् । बजार निरन्तर उकालो लागेका कारण नाफा बुक गर्नेहरु पनि उत्तिकै सक्रिय छन् । यद्यपी क्रेता हाबी हुँदा बजारको पछिल्लो वृद्धिमा नेप्से रातो भएर बन्द भएका कारोबार खासै छैनन् ।
अर्कोपट्टी आर्थिक संकुचनले गर्दा अन्य क्षेत्रबाट पनि लगानी सेयर बजारमा आउन थालेको समीक्षकहरुले तर्क गरेका छन् । बजारमा नवप्रवेशीहरुको सक्रिया पनि उत्साहपूर्ण रहेको ब्रोकरहरु बताउँछन्।
विभिन्न क्षेत्र र नयाँ लगानी पनि भित्रिँदा सेयर बजारको कारोबार रकम पनि ह्वात्तै बढेको छ । आइतबार मात्रै ४ अर्ब ८६ करोडको सेयर किनबेच भएको छ । गत बुधबार कारोबार रकम ५ अर्ब नाघेको थियो ।
यसबिच आगामी आर्थिक वर्षको मौद्रिक नीति तयारीमा राष्ट्र बैंक पनि जुटेको छ । राय सुझाव संकलनका लागि राष्ट्र बैंकले असार १० गतेसम्म म्याद दिएको हो। लगत्तै मौद्रिक नीतिको मस्यौदा तयार गर्न थाल्नेछ । गत वर्षको ६ साउनमा मौद्रिक नीति सार्वजनिक गरेको थियो ।
यस पटक पनि साउन पहिलो साता प्रकाशित गर्ने अनुमान छ । जसमा महँगी नियन्त्रण र आर्थिक वृद्धिको लक्ष्य हासिललाई प्राथमिकता दिने गभर्नर महाप्रसाद अधिकारीले बताएका छन्। चौतर्फी रुपमा तरलता बढ्ने देखिएकाले पनि बजारमा चमक देखिएको हो ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया