logo

पूँजीबजारमैत्री मौद्रिकनीति आउने अपेक्षामा लगानीकर्ता,नेप्से परिसूचकसँगै कारोबार रकम बढयो

    540   पटक पढिएको

३ साउन /अर्थ र व्यापार – पूँजीबजारमैत्री मौद्रिकनीति आउने अपेक्षामा लगानीकर्ता रहेसँगै अहिले सेयर बजारमा नेप्से परिसूचकसँगै कारोबार रकम बढेको छ । साताको तेस्रो कारोबार दिन मंगलवार नेप्से परिसूचक १६ दशमलव २७ अंकले बढेको छ ।
मंगलबार नेप्से परिसूचक बढेर २ हजार ४५ दशमलव ६९ विन्दुमा पुगेको हो । यो दिन कारोबारमा आएका २१३ ओटा धितोपत्रको ५७ लाख १३ हजार २४८ कित्ता शेयर ३७ हजार ९७२ पटकमा रू. २ अर्ब २९ करोड ९३ लाख १६ हजार ३२६ मा खरीदविक्री भएको छ ।
नेपाल धितोपत्र बोर्डले अर्थ मन्त्रालयमा प्रस्ताव गरेको नयाँ शेयर ब्रोकर लाइसेन्सको प्रस्तावले समेत बजारलाई छुट्टै सकारात्मक दिशा प्रदान गरिरहेको सम्बन्धीत लगानीकर्ताहरुले बताएका छन् ।
निवर्तमान अर्थमन्त्री जनार्दन शर्माको निर्देशनमा धितोपत्र बोर्डद्वारा गठित कार्यदलले हालको ब्रोकर कमिसन घटाउन सिफारिस गरेसँगै बजारमा सकारात्मक प्रभाव परेको उनीहरुको विश्लेषण छ ।
हाल आगामी मौद्रिक नीति सार्वजनिक गर्ने अन्तिम तयारीमा रहेको नेपाल राष्ट्र बैंकले शेयर बजार मैत्री मौद्रिक नीति ल्याउनेमा लगानीकर्ता आशावादी भएकाले पनि लगातार ७ दिनदेखि सेयर बजार बढेको सम्बन्धीत सरोकारवालाहरुको अनुमान छ ।
मंगलबार सेयर कारोबारमा आएका २१३ ओटा धितोपत्र मध्ये इमर्जिङ्ग नेपालको शेयरमूल्य सबैभन्दा बढी ८ दशमलव शून्य १ प्रतिशतले वृद्धि भएको छ । सो कम्पनीको शेयरमूल्य प्रतिकित्ता ८३६ रुपैयाँ पुगेको छ । यसैगरी, दोस्रोमा गणपति लघुवित्त वित्तीय संस्थाको शेयरमूल्य ६ दशमलव ९४ प्रतिशत वृद्धि भएर ९८० रुपैइाँ पुगेको छ ।
मंगलवार सबैभन्दा बढी सिभिल बैंक डिबेञ्चर २०८८ नामक ऋणपत्रको मूल्य ७ दशमलव ७५ प्रतिशतले घटेको छ । ऋणपत्रको मूल्य प्रतिकित्ता ९२२ रुपैयाँ ५० पैसामा झरेको हो । त्यसैगरी दोस्रोमा १० दशमलव २५ प्रतिशत ग्लोबल आइएमई बैंक डिबेञ्चर २०८०÷ ८१ नामक ऋणपत्रको मूल्य ५ दशमलव ७० प्रतिशत घटेर ९४३ रुपैयाँ कायम भएको छ ।
आज सर्वाधिक शेयर खरीदविक्री शिवम् सिमेन्टको भएको हो । सो कम्पनीको १५ करोड ९७ लाख रुपैयाँ बराबरको शेयर खरीदविक्री भएको छ । यस कम्पनीको शेयरमूल्य प्रतिकित्ता ७८४ दशमलव ६० कायम भएको छ ।
त्यसैगरी सर्वाधिक शेयर खरीदविक्री हुने दोस्रोमा एभरेष्ट बैंकको १० करोड ५ लाख रुपैयाँ बराबरको भएको छ ।
कारोबारमा आएका १३ वटा समूहगत परिसूचक समग्र समूहगत परिसूचक बढेसँगै नेप्से परिसूचक बढेको हो । १३ वटा समूहगत परिसूचकमध्ये सबैभन्दा बढी वित्त समूहको २ दशमलव ७० प्रतिशतले वृद्धि भएको नेप्सेले जनाएको छ ।

तपाईको प्रतिक्रिया

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।