२ असार/अर्थ र व्यापार – नेपाल स्टक एक्सेचेन्ज –नेप्से) ले धितापत्र कारोबार सञ्चालन विनियमावाली ‘२०७९’ स्वीकृत गरेको छ । नेप्सेले धितोपत्र कारोबार सञ्चालन तेस्रो संशोधन पारित गरेको हो ।
नेप्सेको गत साता बसेको सञ्चालक समितिको बैठकले उक्त विनियमावली स्वीकृत गरेको हो । नेप्सेले संसोधन गरेको विनियमावाली अनुसार अब धितोपत्र कारोबार व्यवस्थापन प्रणाली (टीएमएस) आफैले बनाउन सक्ने गरी संसोधन भएको नेप्सेका सूचना अधिकारी मुराहरी पराजुलले जानकारी दिए ।
यसअघि नेप्सेले बनाउँदै आउको टीएमएस यो संसोधन पछि ब्रोकर आफैले गर्न सक्ने सूचना अधिकारी पराजुलीको भनाइ छ । यस्तै ब्रोकरले चलाउने टीएमएसको सूनिश्चितताका लागि चाहिने आवश्यक हार्डवयर तथा सफ्टवेयरको फेल ओभर सम्बन्धी व्यवस्था र सोको समय समयमा परीक्षणको लागि मापदण्ड पुरा गरेको हुनु पर्ने जनाइएको छ ।
सो मापदण्डमा नेटवर्क सम्बन्धी घटना, गडबडी र आक्रमण पहिचानको लागि सुरक्षा अनुगमन प्रणाली स्थापना गरिएको हुनुपर्ने, साइबार आक्रमण सम्बन्धी घटना र समस्याहरुको निराकरणका लागि तत्काल सम्बोधन गर्ने व्यवस्था तथा सुरक्षाको लागि अनुगमन र सम्बोधन गर्ने प्रणाली स्थापना गरेको हुनुपर्ने छ ।
विजनेश रिकभरी म्यानेजमेन्ट र रेस्पोन्स सिस्टम स्थापना भएको, डिजास्टर रिकभरी साइट स्थापना गरिएको, टीएमएसका लागि आवश्यक पर्ने सर्भर, भण्डारण क्षमता, सुरक्षा व्यवस्था, नेटवर्क र सैन स्वीच तथा अन्य पूर्वाधार नेप्सेले तोके बमोजिम हुनुपर्ने नेप्सेले जनाएको छ । नेप्सेले विनियमावली संसोधनका लागि बोर्डमा मस्यौदा पठाएको थियो । बोर्डले उक्त मस्यौदा आवश्यक संशोधन गरेर स्वीकृतका लागि नेप्सेमा पठाएको थियो । नेप्सेले स्वीकृत गरेको छ ।