२३ फागुन/अर्थ र व्यापार – आइतबार सामान्य घटेको सेयर बजार सोमबार झिनो अंकले बढेर बन्द भएको छ । सेयर बजार परिसूचक नेप्से सोमबार एक दशमलव ५४ अंकले बढेर दुई हजार पाँच सय ४४ दशमलव ९३ विन्दुमा अडिएको थियो ।
सोमबार बैंकिङ, होटल, निर्जीवन बीमा, उत्पादन र अन्य समूहको सेयर सामान्य बढेको छ भने जीवन बीमा, व्यापार, विकास बैंक, जलविद्युत्, फाइनान्स र माइक्रोफाइनान्स समूहको सेयर घटेको छ । २३० कम्पनीका ५३ लाख १५ हजार कित्ता सेयर किनबेच हुँदा २ अर्ब ६० करोड रुपैयाँ बराबारको कारोबार भएको छ ।
शिवम् सिमेन्टले सबैभन्दा धेरै २७ करोड ६९ लाख रुपैयाँको कारोबार गरेको छ । यसदिन बुद्धभूमि नेपाल हाइड्रोको सेयर झन्डै ६ प्रतिशत र बोटलर्स नेपालको सेयर साढे पाँच प्रतिशतले बढेको छ भने पाँचथर पावर कम्पनीको सेयर झन्डै सात प्रतिशतले घटेको छ।