नेप्सेद्धारा नबिल बैंक सहित पाँचवटा कम्पनीको शेयरमूल्य समायोजन
१६ पुस / अर्थ र व्यापार – नेपाल स्टक एक्सचेञ्ज (नेप्से)ले शुक्रवार पाँचवटा कम्पनीको बोनस शेयरको मूल्य समायोजन गरेको छ ।
नेप्सेले नबिल बैंक, कृषि विकास बैंक, फरवार्ड लघुवित्त वित्तीय संस्था, गुडवील फाइनान्स र हिमालयन डिष्टिलरी लिमिटेडको मूल्य समायोजन गरेको हो । यी पाँचवटै कम्पनीले साधारण सभा र लाभांश वितरण प्रयोजनकालागि शुक्रवार बुक क्लोज गरेसँगै नेप्सेले शेयरमूल्य समायोजन गरेको हो ।
नेप्सेले कृषि विकास बैंकको २० प्रतिशत बोनस शेयरको समायोजन पछि शेयर मूल्य ४१० रुपैयाँ तोकेको छ । कम्पनीको अघिल्लो कारोबारको दिनको अन्तिम शेयर मूल्य ४९२ रुपैयाँ आधारमा शेयर मूल्य समायोजन भएको हो ।
त्यसैगरी, फरवार्ड लघुवित्त वित्तीय संस्थाको ३५ प्रतिशत बोनस शेयरको समायोजनपछि नेप्सेले शेयरमूल्य १ हजार ९६२ रुपैयाँ दशमलव ९६ तोकेको छ । कम्पनीको अघिल्लो कारोबार दिनको अन्तिम मूल्य २ हजार ६५० रुपैयाँको आधारमा मूल्य समायोजन भएको हो । यसैगरि, गुडवील फाइनान्सको ९ दशमलव १० प्रतिशत बोनस शेयरको समायोजन पछि नेप्सेले शेयर मूल्य ५३३ दशमलव ४६ रुपैयाँ तोकेको छ ।
कम्पनीको अघिल्लो कारोबार दिनको अन्तिम मूल्य ५८२ रुपैयाँको आधारमा नेप्सेले मूल्य समायोजन गरेको हो । त्यसैगरि, हिमालयन डिष्टिलरी लिमिटेडको ७५ प्रतिशत बोनस शेयरको समायोजनपछि नेप्सेले शेयरमूल्य ३ हजार ९२५ दशमलव ७१ रुपैयाँ तोकेको छ । कम्पनीको अघिल्लो कारोबार दिनको अन्तिम मूल्य ६ हजार ८७० रुपैयाँको आधारमा मूल्य समायोजन भएको छ ।
त्यसैगरी नबिल बैंकको ३३ दशलमव ६० प्रतिशत बोनस शेयरको समायोजनपछि नेप्सेले शेयरमूल्य १ हजार ८५ रुपैयाँ तोेकेको छ । सो कम्पनीको अघिल्लो कारोबार दिनको अन्तिम मूल्य १ हजार ४५० रुपैयाँको आधारमा समायोजन भएको हो ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया