२५ कात्तिक /अर्थ र व्यापार – पुँजी बजारको नियामक निकाय नेपाल धितोपत्र बोर्डको रिक्त नयाँ अध्यक्ष हुनकालागि अहिलेसम्म ११ जनाले आवेदन दिएका छन् । अर्थ मन्त्रालय स्रोतका अनुसार नेपाल स्टक एक्स्चेञ्ज (नेप्से) का पूर्व सीईओ सिताराम थपलिया सहित ११ जनाले आवेदन दिएका हुन् ।
आगामी नयाँ अध्यक्षकालागि आवेदन दिनेमा बोर्डका कार्यकारी निर्देशन निरज गिरी र उप कार्यकारी निर्देशक डा.नवराज अधिकारी रहेका छन् । यसैगरि, नेपाल राष्ट्र बैंकका पूर्वकार्यकारी निर्देशक डा. गोपाल भट्ट, कर्मचारी संचय कोषका पूर्व प्रशासक कृष्णप्रसाद आचार्य, नेप्सेका पूर्वसीईओ सिताराम थपलिया र बीमा समितिका पूर्वअध्यक्ष चिरञ्जीवी चापागाईले बोर्डको आगामी अध्यक्षकालागि आवेदन पेश गरेका छन् ।
त्यसैगरी, डा. केशव प्रसाद श्रेष्ठ, अनिल पौडेल, रमेश हमाल, जीवन अमगाई र कृष्ण आचार्यहरुले पनि बोर्डको अध्यक्षकालागि आवेदन दर्ता गरेका हुन् ।
अर्थ मन्त्रालयले यसअघि नै बोर्डको आगामी नयाँ अध्यक्ष नियुक्तिकालागि नाम सिफारिस गर्न सिफारिस समिति गठन गरिसकेको छ । सो समितिले आवेदन दिएका मध्ये कम्तिमा ३ जना आवेदकको नाम छनोट गरि सिफारिस गर्ने छ । त्यसपछि मन्त्रिपरिषदको बैठकले छनोटमा परेका आवेदक मध्ये एक जनालाई नियुक्त गर्ने प्रक्रिया रहेको अर्थ मन्त्रालयले जनाएको छ । हाल बोर्डमा अध्यक्ष र कार्यकारी निर्देशक रिक्त रहेका छन ।