मध्यभोटेकोसी आयोजना प्रभावितलाई जारी आइपीओ बाँडफाँट
४० कित्तासम्म सबैले पाए
११ असोज / अर्थ र व्यापार – मध्यभोटेकोसी जलविद्युत आयोजनाले स्थानीय प्रभावितका लागि जारी गरेको आइपीओ बाँडफाँट गरेको छ । पहिलो चरणमा प्रभावितका लागि जारी गरेको सेयर सोमबार बाँडफाँट भएको हो ।
पहिलोपटक गत २१ वैशाखदेखि स्थानीयका लागि आइपीओ खुला गरे पनि कोरोना महामारीका कारण दुई दिनमै स्थगित गरिएको थियो । स्थगित आइपीओ पुनः गत ५ देखि ३२ साउनसम्म बिक्री खुला गरिएको थियो ।
बिक्री प्रबन्धक ग्लोबल आइएमई क्यापिटलका अनुसार अति प्रभावित क्षेत्रका स्थानीयले १८० कित्तासम्म माग बमोजिम सेयर पाएका छन् । १९० कित्तादेखि ४०० कित्तासम्म माग गर्ने दुई हजार तीन सय १३ जनालाई थप १० कित्ताका दरले गोलाप्रथाबाट सेयर बाँडफाँट गरिएको छ । आयोजनाले भोटेकोसी गाउँपालिका वडा नम्बर १ र ५ (साबिक लिस्ती र मार्मिङ गाविस), बाह्रबिसे नगरपालिका वडा ५ र ६ (साबिक गाती) तथा बाह्रबिसे नगरपालिका वडा ७ र ८ (साबिक घुम्थाङ र मानेश्वरा) का स्थायी बसोबासीका लागि १८ लाख कित्ता (३० प्रतिशत) साधारण सेयर जारी गरेको थियो।
आयोजनाबाट अति प्रभावित क्षेत्रबाहेक सिन्धुपाल्चोक जिल्लाको अन्य क्षेत्रमा स्थायी बसोबास गर्नेहरुका लागि ४२ लाख कित्ता (७० प्रतिशत) साधरण सेयर निष्कासन गरेको थियो। न्युनतम १० कित्ता तथा अधिकतम ४०० कित्तासम्म आवेदन दिन सक्ने गरी बिक्री खुलाइएको थियो।
अति प्रभावितबाहेक जिल्लाका अन्य आवेदकले ४० कित्तासम्म माग बमोजिम सेयर पाएका छन्। ५० कित्तादेखि ४ सय कित्तासम्म माग गर्ने ४० हजार पाँच सय ४८ जनाले गोला प्राथाबाट थप १० कित्ता सेयर पाएका छन्।
यो जलविद्युत आयोजना नेपाल विद्युत प्राधिकरणको सहायक कम्पनीबाट निर्माण भइरहेको छ। जसको भौतिक प्रगति ७० प्रतिशतमाथि छ । आयोजनाले वार्षिक ५४ करोड २२ लाख युनिट विद्युत उत्पादन गर्नेछ । आयोजनाको प्रतिमेगावाट लागत २० करोड रुपैयाँ भन्दा कम रहेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया