शेयर बजारमा करेक्शनः नेप्से दोहोरो अंकले बढे पनि कारोबार रकम घट्यो
५ असोज / अर्थ र व्यापार – लगातार घटिरहेको शेयर बजारमा आज करेक्शन देखिएको छ । नेपाल स्टक एक्सचेञ्ज लिमिटेड(नेप्से)का अनुसार आज बजार १३.८३ अंकले बढेको हो । ०.५१ प्रतिशतले बजार बढ्दा नेप्से परिसूचक २७१२.०७ अंकमा उक्लिएको छ । हिजो भने बजार ११४.०२ अंक र ४.०५ प्रतिशतले घटेको थियो ।
आजको ट्रेन हेर्दा बजार खुले लगत्तै ओरोलो यात्रा शुरु भएको थियो र ११ः३० बजे नेप्से २६१५.४९ अंकमा ओर्लिएको थियो । त्यसपछि पुनः बजार उकालो लाग्दै ११ः५६ बजे २७६६.४१ अंकमा उक्लिएको बजार १२ः१२ बजे फेरि २६६८.२७ अंकमा झरेको थियो ।
१२ः२५ बजे २७४०.०८ अंकमा उक्लिएको बजार १२.३९ बजे २७०९.७७ अंकमा झरेको थियो भने पुनः बिस्तारै उकालो चढ्दै १ः२४ बजे २७५७.९८ अंकमा उक्लियो । त्यसपछि १ः४५ बजे २७२८.५० अंक, २ः१६ बजे २७३८.८० अंकमा पुगेको बजार ३ बजे बन्द हुँदा २७१२.०७ अंकमा पुगेर रोकिएको छ ।
नेप्सेका अनुसार आज २२३ कम्पनीका १ करोड ५३ लाख ६ हजार ६१ कित्ता शेयर किनबेच हुँदा ७ अर्ब ३६ करोड ४७ लाख ९८ हजार ६ सय ५२ रुपियाँ बराबरको कारोबार भएको छ । नेप्से बढे पनि कारोबार रकम भने हिजोको तुलनामा घटेको छ । बजार उच्च अंकले घटे पनि हिजो ८ अर्ब ४९ करोड ३४ लाख १ सय ९ रुपियाँ बराबरको कारोबार भएको थियो ।
बजारमा करेक्शन आए पनि दिन आज ट्रेडिङ ५०.२५ अंक, वित्त १८.४५ अंक, उत्पादनमूलक १९.०१ अंक र म्यूचुअल फण्ड ० अंकले घटेका छन् । बाँकी समूहमा भने हरियाली छाएको छ । आज सबैभन्दा बढी जीवन बीमा समूह १९९.६४ अंकले बढेको छ ।
आज सबैभन्दा बढी मनकामना स्मार्टका लगानीकर्ताले ९.९९ प्रतिशतले नाफा कमाएका छन् । त्यसैगरी रु रु जलविद्युतका लगानीकर्ता ५.७८ प्रतिशत र आजैमात्रै ८.५० प्रतिशत नगद लाभांश घोषणा गरेको निफ्राका लगानीकर्ताले ४.६६ प्रतिशतले नाफा कमाएका छन् ।
त्यसैगरी सबैभन्दा बढी सानिमा लार्ज क्याप फण्डका लगानीकर्ताले ३.४३ प्रतिशत, एक्सेल डेभलपमेन्ट बैंकका लगानीकर्ताले ३.४२ प्रतिशत र जानकी फाइनान्सका लगानीकर्ताले ३.२६ प्रतिशतले घाटा ब्यहोरेका छन् ।
नेप्सेका अनुसार आज पनि अरुण भ्याली हाइड्रो कै उच्च कारोबार भएको छ । अरुण भ्यालीको २५ करोड ४४ लाख १५ हजार २ सय ३३.१० रुपियाँ बराबरको कारोबार भएको हो ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया