२९ भाद्र / अर्थ र व्यापार – साहस उर्जा कम्पनीले आगामी ६ असोजबाट आइपीओ निष्कासन गर्ने भएको छ । कम्पनीले १ सय रुपैयाँ अंकित ७० करोड रुपैयाँ बराबरको ७० लाख कित्ता आइपीओ निष्कासन गर्ने भएको हो ।
जसमध्ये ३ प्रतिशत अर्थात् २ लाख १० हजार कित्ता सेयर कर्मचारी र ५ प्रतिशत अर्थात् ३ लाख ५० हजार कित्ता सेयर सामूहिक लगानी कोषका लागि छुट्याइएको छ । सर्वसाधारणले ६४ लाख ४० हजार कित्ताका लागि आवेदन दिन सक्नेछन् । 
सो कम्पनीका अनुसार आइपीओ आगामी ६ असोजमा निष्कासन भई छिटोमा आगामी १० असोजमा र ढिलोमा आगामी २० असोजसम्म आवेदन दिन सक्नेछन् । सर्वसाधारणले न्यूनतम १० कित्तादेखि अधिकतम ५० हजार कित्ताका लागि आवेदन दिन सक्ने सो कम्पनीले जनाएको छ ।
कम्पनीलाई इक्रा नेपालले इक्राइनपि आइआर डबल बी प्लस रेटिङ दिएको छ । यसले कम्पनीको वित्तीय दायित्व पूरा गर्न सक्ने सम्बन्धमा जोखिम रहेको देखाउँछ । कम्पनीको सेयर निष्कासन तथा बिक्री प्रबन्धकमा एआइबीएल एस क्यापिटल कम्पनी रहेको छ । कम्पनीले सोलुखुम्बुको खोलुदुधकुण्ड नगरपालिका र थुलुङदुधकोसी गाउँपालिकामा ८६ मेगावाट क्षमताको सोलु खोला दुधकोशी जलविद्युत् आयोजना निर्माण गरिरहेको छ । यस आयोजनाको कुल लागत निर्माण अवधिको ब्याजसहित ११ अर्ब ८६ करोड रुपैयाँ रहेको छ । आयोजनाले आगामी जेठ महिनाबाट विद्युत् उत्पादन गर्ने लक्ष्य लिएको सो कम्पनीले जनाएको छ ।