१७ साउन/अर्थ र व्यापार– साताको पहिलो दिन सेयर बजारमा एक अंकको बृद्धि भएको छ । 

साताको पहिलो दिन ९ कम्पनीको सेयर मूल्य करिब १० प्रतिशतले बढेपनि नेप्से परिसुचक भने एक अंकले मात्रै बढेको हो ।
दुई सय २६ कम्पनी मध्ये ९२ कम्पनीको मूल्य बढेको छ भने ९२ कम्पनीकै सेयर मूल्य घटेको छ ।

आईतबार ७ वटा उपसमूहको सूचक घटेको छ । ६ वटा उपसमूहको सूचक बढेको छ । आज निर्जीवन बीमा समूह सर्वाधिक १७१ अंकले घटेको छ भने जलविद्युत समूहको सर्वाधिक ७९ अंकले बढेको छ ।  

सेयर मूल्य १० प्रतिशतले बढ्नेमा सिनर्जी पावर, कालिका पावर, घलेम्दी हाइड्रो, युनिभर्सल पावर र ग्रीन लाइफ हाइड्रो रहेका छन् ।

आज अधिकांश जलविद्युत कम्पनीको सेयर मूल्य सर्किट लेभलमा कारोबार भएको छ । नेशनल हाइड्रोपावरको सर्वाधिक ३६ करोड रुपैयाँको सेयर कारोबार हुँदा युनाइटेड मोदी हाइड्रोको ३५ करोड, सिनर्जी पावरको ३२ करोड, ङादी ग्रुपको ३० करोड र युनिभर्सल पावरको २९ करोड रुपैयाँको सेयर किनबेच भएको छ ।