१३ साउन/अर्थ र व्यापार– बुधबार सेयर बजारको परिसूचक नेप्से १५.३ अंकले बढेर हालसम्मकै उच्च अंक ३ हजार ९४.९५ विन्दुमा पुगेको छ ।

बुधबार नेप्सेले रेकर्ड कायम गरेको दिन कारोबार रकम भने घटेको छ ।  आज १३ अर्ब २९ करोड रुपैयाँको कारोबार भएको छ । हिजो १५ अर्ब बढीको कारोबार भएको थियो ।

आज युनाइटेड मोदी हाइड्रोपावर कम्पनीको ३८ करोडको कारोबार हुँदा दोस्रोमा रहेको नेसनल हाइड्रोपावरको ३६ करोडको कारोबार भएको छ ।

आज जलविद्युत ४८, उत्पादन ३७ र बैंकिङ समुह १८ अंकले घटेको छ । भने निर्जीवन बीमा ४४९, जीवन बीमा ४३१, होटल तथा पर्यटन २५७, फाइनान्स ७०, विकास बैंक ४८, माइक्रोफाइनान्स समूह ३७, ब्यापार १६ र अन्य समुह २० अंकले बढेका छन्।

नारायणी डेभलपपमेन्ट, चन्द्रागिरि हिल्स र मल्टिपर्पोज फाइनान्सको मूल्य १० प्रतिशतले बढ्या । सोल्टी होटल र कर्पोरेट डेभलपमेन्ट बैंकको मूल्य ८ प्रतिशतले बढेको छ ।

पन्चकन्य माइ हाइड्रोको मूल्य ५ प्रतिशतले घट्यो । सिंगटी हाइड्रोको मूल्य पनि करिब ५ प्रतिशत घटेको छ । ग्रीन लाइफ र पाँचथर पावरको मूल्य ४ प्रतिशतले घटेको छ ।