२३ पुस/अर्थ र व्यापार– राष्ट्रिय बाणिज्य बैंकको संचालक समितिको बिहीबार बसेको बैठकले धनिराम शर्मालाई अध्यक्षमा चयन गरेको छ ।

शर्माले नेपाल राष्ट्र बैंकका गभर्नर महाप्रसाद अधिकारीसँग आजै पद तथा गोपनियताको शपथ पनि लिएका छन्। शर्मा अर्थ मन्त्रालयका सह सचिव हुन् ।

सरकारले प्रा डा उपेन्द्र कोइरालालाई बैंकको अध्यक्ष बनाउने तयारी गरेपनि धेरै पटक लाभको पदमा पुगेको तथा उपप्रधानमन्त्री इश्वर पोखरेलको सम्धि भएका भरमा नियुक्ति पाएको जस्ता आरोप लागेपछि समितिले शर्मालाई नियुक्ति गरेको हो ।

शपथ ग्रहण कार्यक्रममा डेपुटी गभर्नरद्धय चिन्तामणि शिवाकोटी र शिवराज श्रेष्ठ, अन्य उच्च पदाधिकारीहरु र राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठ लगायत उपस्थित थिए ।