१७ भाद्र / अर्थ र व्यापार- ट्रेकिङ एजेन्सिज एशोशियसन अफ नेपाल (टान) को आगामी भाद्र २० गते हुने निर्वाचनमा अनुभवि पर्यटन व्यवसायी तथा नेपाल गाईड ट्रेक्स एण्ड एक्सपीडिसन प्रा.लि.का प्रबन्ध निर्देशक प्रकाशचन्द्र देवकोटाले अञ्जन थापा (कुमार) समुहवाट प्रथम उपाध्यक्ष पदमा उम्मेदवारी दिएका छन । विगत २२ वर्षदेखि पर्यटन क्षेत्रमा क्रियाशिल देवकोटा होटल व्यवसायमा पनि आवद्ध छन ।

२०३२ सालमा गोरखा जिल्लाको भिमसेन गाउँपालिका खागीथोकमा जन्मिएका देवकोटा करीब २२ वर्षदेखि टे«किङको क्षेत्रमा आवद्ध रहँदै आएका छन । प्रविणता प्रमाणपत्र तहको अध्ययन पूरा गरेका देवकोटा पदयात्रा क्षेत्रको तल्लो तहदेखि नै क्रियाशिल रहँदै आएका हुन । पदयात्रा व्यवसायको सहयोगी कर्मचारी र गाइड हुँदै कम्पनी संचालकसम्म बनेका उनी सहासिक पर्वतीय पर्यटन व्यवसायलाई राम्ररी बुझेको व्यक्ति मानिन्छन ।

अष्ट्रेलियाको फ्रेण्ड्स अफ नेपालसँग समेत आवद्ध रउनको समाजसेवामा पनि उत्तिकै रुची छ । उनले सोही संस्था मार्फत डोल्पा लगायतका जिल्लाहरुमा समेत शिक्षा र स्वास्थ्यको क्षेत्रमा योगदान गर्दै आएका छन ।

“नेपालको पदयात्रा पर्यटन क्षेत्रमा दुई दशकभन्दा वढि समय विताउँदा प्राप्त अनुभवलाई टान र नेपालको पदयात्रा पर्यटन क्षेत्रको विकासमा लगाउन सकिन्छ भनेर जान चाहेको हुँ”–प्रथम उपाध्यक्ष पदका उम्मेदवार देवकोटाले वताए । टानका विगतका नेतृत्वले गरेका राम्रा कामलाई निरन्तरता दिन र गर्न नसकेका कामहरु आगामी नेतृत्वले पुरा गर्नुपर्ने उनको धारणा छ । टान नेतृत्वमा जो गएपनि व्यवसाय र व्यवसायीको हितमा काम गर्नुपर्ने मान्यता उनी राख्छन ।

आजको सन्दर्भमा व्यवसायी र मजदुरको विचमा देखिएका समस्या समाधान गर्ने, टिम्सको कोषलाई सहि र प्रभावकारी ढंगले खर्च गर्ने वातावरण निर्माण गर्ने, व्यवसायीका पिरमर्कामा टान सहयोगी बन्न सक्ने वातावरण निर्माण गर्नु नै आफ्ना एजेण्डाहरु भएको उनले वताए । “टानमा गएर सामुहिक ढंगले नेपालको पदयात्रा पर्यटन क्षेत्रका समस्याहरुको समाधान,यो क्षेत्रको विकास,नितिगत समस्याको समाधानमा आँफु र टान नेतृत्वलाई केन्द्रित गराउनेछु”–देवकोटाले भने ।