१७ भाद्र / अर्थ र व्यापार- आगामी भाद्र २० गते हुने ट्रेकिङ एजेन्सिज एशोशियसन अफ नेपाल (टान) निर्वाचनमा हिमालयन जोय एड्भेन्चरका प्रबन्ध निर्देशक चोलेन्द्र बहादुर कार्कीले खुमबहादुर सुवेदी समुहवाट प्रथम उपाध्यक्ष पदमा उम्मेद्वारी दिएका छन ।
२०४४ असार १७ गते सोलुखुम्बु, दुधकोशी–३, बासामा जन्मिएका कार्कीले मानविकीमा स्नातकसम्मको अध्ययन गरेका छन । सम्पदा गार्डेन होटलका संचालक समेत रहेका उनी २०६० सालवाट पर्यटन क्षेत्रमा लागेका थिए । पोर्टर, गाइड हुँदै यो क्षेत्रमा लागेका उनको विशेष रुचि समाजसेवामा पनि छ । एड फर नेपाल र सुतार कार्की समाजका केन्द्रीय अध्यक्ष कार्की लायन्स र किवानीज क्लवमा पनि आवद्ध छन ।
नेपाली पर्यटन प्रवद्र्धनका लागि स्वीट्जरल्यान्ड, जर्मनी, बेल्जियम, फ्रान्स, नेदरल्यान्ड, चीन, जापान, सिंगापुर दुवई लगायका देशहरुको भ्रमण गरिसकेका कार्की नेपाल लोकतान्त्रिक पर्यटन व्यवसायी संघको उपसभापति समेत हुन ।
एक दशकदेखि आफ्नै कम्पनीमार्फत निरन्तर पर्यटन क्षेत्रको व्यवसायिक यात्रामा रहेका उनले पर्यटन मजदुर हुँदै ट्रेकिङ व्यवसायीको रुपमा स्थापित भएकाले मजदुर र व्यवसायी दुबै पक्षको भावनाअनुसार काम आफुले काम गर्ने बताए ।
टानको सचिवालयलाई समयसापेक्षित बनाउँदै नयाँ गन्तव्यहरुको पहिचान तथा विकासका लागि प्रभावकारी काम गर्ने, पर्यटकीय पूर्वाधार विकासका लागि पहल गर्ने, निजी तथा सरकारी निकायबीचको आपसी समन्वय बढाउने, आन्तरिक तथा बाह्य पर्यटकहरुको संख्यात्मक र गुणात्मक बृद्धिका लागि तत्कालिन र दीर्घकालिन योजना बनाएर अघि बढ्ने आफ्नो एजेण्डा रहेको उनले वताए ।
तपाईको प्रतिक्रिया