५ असोज / अर्थ र व्यापार- गन्तव्य नेपाल ग्रुपले टुरिजम विजनेश डाइरेक्टरी २०१८/ १९ प्रकाशनमा ल्याएको छ । उपप्रधान एवं स्वास्थ्य तथा जनसंख्या मन्त्री उपेन्द्र यादवले डाईरेक्टोरीको विमोचन गरे । 

कार्यक्रममा बोल्दै यादवले नेपालमा पर्यटनको भविष्य व्यापक रहेको भन्दै सो ठाउँहरुको अनुगमन गरी अघि बढ्नुपर्ने बताए । उनले टुरिजम विजनेश डाइरेक्टरी प्रकाशन गरेर गन्तव्य नेपालले अत्यन्तै स¥हानिय  भूमिका निभाएको बताउँदै यो पर्यटन क्षेत्रको लागि उपयोगी रहेको बताए । कार्यक्रममा नेपाली कांगे्रसका केन्द्रीय सदस्य तथा पूर्वमन्त्री अर्जुननरसिंह केसीले पर्यटनको विकास पर्यटन विकास र विस्तारमा आफू र आफ्नो पार्टी जहिल्यै पनि तयार रहने बताए ।

नेपाल पर्यटन बोर्डका सञ्चालक समिति सदस्य दिपक महतले पर्यटन बोर्ड प्रति पर्यटन मन्त्रालयले गरेको हैकमवादी प्रवृद्धिको कटाक्ष गर्दै पर्यटन बोर्डले निजी क्षेत्रलाई बेवास्ता गरेको बताए । उनले मन्त्रालयले आफूहरुप्रति गरेको वाएसलाई गम्भीररुपमा लिएको बताए । त्यसैगरी नेपाल एशोसियसन अफ टुर एण्ड ट्राभल एजेन्टस् (नाट्टा) का अध्यक्ष सि.एन पाण्डेले डाइरेक्टरी प्रकाशन अत्यन्तै सकारात्मक रहेको बताउँदै पर्यटन विकास र प्रवद्र्धन सबैको हातेमालोले मात्र सम्भव रहेको बताए । 

गन्तव्य नेपाल गुप्रका अध्यक्ष शिव अधिकारी (अविरल) ले ग्रुपको पर्यटन प्रवद्र्धनार्थ टुरिजम विजनेश डाइरेक्टरी प्रकाशनमा ल्याएको बताएको छ । यो डाइरेक्टरी पर्यटन व्यवसायी र त्यससँग सरोकार राख्ने व्यवसायीहरुको व्यवसायलाई सहजीकरण गर्न निकालिएको उनले बताए ।

त्यसैगरी कार्यक्रममा उत्कृष्ठ पर्यटक पत्रकारीता अवार्ड २०१८ बाट नेपाल टेलिभिजनका निर्देशक राजु सिलवाल, गोरखापत्र राष्ट्रिय दैनिकका सहसम्पादक शरदराज सुवेदी, राष्ट्रिय समाचार समितिका विकास लोहनी, राजधानी दैनिकका वरिष्ठ समाचारदाता मधुजंग पाण्डे, नागरिक राष्ट्रिय दैनिक वरिष्ठ समाचारदाता नवराज अधिकारी, कान्तिपुर राष्ट्रिय दैनिकका समाचारदाता सुरज कुंवर, इमेज टेलिभिजनका वरिष्ठ समाचारदाता शंकर खनाल, मेघा टेलिभिजन समाचारदाता कल्पना मर्हजन, रातोपाटी डटकम समाचारदाता सुजन पन्त, सगरमाथा टेलिभिजनका समाचारदाता श्रीकृष्ण सुवेदी, वल्र्ड वाइड प्रोडक्सन प्रालिका कुमार चौलागाई र प्रेस तथा छापाखाना विधाअन्तर्गत शारदा प्रिन्ट्रिङ प्रेसका भीमप्रसाद सापकोटालाई अवार्ड प्रदान गरियो ।