पर्यटकलाई लक्षित गर्दै एनसेलले ल्यायो ‘टुरिष्ट सिम’, बसाइँ अवधिका आधारमा सेवा लिन सकिने
८ माघ / अर्थ र व्यापार - एनसेलले नेपाल भ्रमणमा आउने पर्यटकलाई लक्षित गर्दै ‘टुरिष्ट सिम’ बिक्री सुरू गरेको छ। भ्रमण वर्ष २०२० लाई मध्यनजर गर्दै कम्पनीले यो सिम ल्याएको हो।
पर्यटकले सजिलै टुरिष्ट सिम लिएर सबै नेटवर्कमा कल गर्न मिल्ने अल नेटवर्क टक टाइम र डेटा बण्डलिङ गरिएको प्याकहरू लिन सक्ने कम्पनीले जनाएको छ। कम्पनीका अनुसार पर्यटकले करसहित सय रूपैयाँमा सिमसहित स्टार्टर प्याक लिन सक्नेछन्। उक्त प्याकमा पर्यटकले ३० रूपैयाँ मेन ब्यालेन्स र तीन दिन समयावधि भएको एक जीबी डेटा पाउने कम्पनीले जनाएको छ।
पर्यटकले आफ्नो नेपालको बसाइँ र सेवाको आवश्यकताअनुसार नेटवर्क भ्वाइस र डेटा सेवा बण्डल गरिएको तीनदेखि ३० दिनसम्म समयसीमा रहेका विभिन्न पाँच कम्बो प्याकमध्ये कुनै एक प्याक लिनसक्ने कम्पनीले जनाएको छ। कम्पनीका अनुसार कम्बो प्याकहरूमा तीनदिने प्याकको करसहित २ सय ९० रूपैयाँ पर्छ।
यो प्याकमा ३० मिनेट अल नेटवर्क भ्वाइस र ३ जीबी डेटा भोल्युम हुने कम्पनीले जनाएको छ। कम्पनीका अनुसार ७ जिबी डेटा र ७० मिनेट अल नेटवर्क भ्वाइस रहेको ७ दिने प्याकको करसहित ४ सय ९० रूपैयाँ तोकिएको छ। करसहित ९ सय ८० पर्ने १४ दिने प्याकमा पर्यटकले १४ जीबी डेटा र १४० मिनेट अल नेटवर्क भ्वाइस बण्डल गरिएको प्याक लिनसक्ने छन्।
लामो समय नेपाल भ्रमणमा आउने पर्यटकले २८ दिने प्याक ३० दिने कम्बो प्याक लिन सक्ने छन्। कम्पनीका अनुसार २८ दिने प्याक अन्तर्गत पर्यटकले करसहित १ हजार ४ सय ७० रूपैयाँमा २८ जीबी डेटा र २८० मिनेट अल नेटवर्क भ्वाइस पाउँछन्।
त्यसैगरी ३० दिने प्याकअन्तर्गत करसहित २ हजार ८ सय ८८ रूपैयाँमा ८८ जीबी डेटा र ८८८ मिनेट अल नेटवर्क भ्वाइस सेवा पाउने कम्पनीले जनाएको छ। कम्पनीका अनुसार यो सिम लिएपछि कम्बो प्याकका लागि एस्ट्रिक्स १७१०५ ह्यास डायल गरि सेवा सञ्चालन गर्न सकिन्छ।
यो सिम त्रिभुवन अन्तर्रा्ष्ट्रिय विमानस्थलमा रहेको एनसेलको काउन्टर र देशका विभिन्न स्थानमा रहेका ९० वटा पोइन्ट अफ सेल्सहरूबाट लिन सक्ने कम्पनीले जनाएको छ। सिम लिन पर्यटकले आफ्नो पासपोर्ट साइज एउटा फोटो र राहदानीको फोटोकपि बुझाउनु पर्ने कम्पनीले जनाएको छ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया