२३ जेठ / अर्थ र व्यापार-व्यवसायीसँग मुख्य अनुगमनकारी निकाय आपूर्ति व्यवस्थापन तथा उपभोक्ताहित संरक्षण विभागले अनुगमनका लागि परामर्श लिएको छ । विभागले अनुगमन गर्न तोकेका क्षेत्रसँग सम्बन्धित व्यवसायीसँग आइतबार दिउँसो अनुगमनमा आउन लागेको जानकारी दिँदै आवश्यक छलफल गरेको हो । सोमबार बिहानबाटै विभागले दैनिक ५ टोली बनाएर विशेष अनुगमन गर्दै छ ।
व्यवासायीसँग अनुगमनअघि छलफल गरेर विभागले नौलो उदाहरण देखाएको हो । विभागले सभ्य अनुगमनको संस्कार विकास गर्न व्यवसायीसँग छलफल गरेको दाबी गरे पनि उपभोगत्ता भने खुशी छैनन् । विभागका महानिर्देशक कुमारप्रसाद दाहालको अनुसार पारदर्शी हिसाबले बजार अनुगमन गर्नु नराम्रो होइन । त्यसैले छापा मारेर होइन, थाहा दिएर अनुगमन गर्नुपर्छ । यद्यपि, अनुगमन टोली पठाउनुपूर्व व्यवसायीसँग छलफल गर्ने र जानकारी दिने विषय कुनै पनि कानुनमा उल्लेख छैन ।
अनुगमनको सूचना व्यवसायीलाई दिँदा आफ्ना गल्ती लुकाउने मौका पाउँछन् र अनुगमन टोली पुग्दा क्षणिक अवधिलाई सबै कैफियत मेटाउने सम्भावना रहन्छ । कैफियत भेट्दा पनि प्रभावकारी कारबाही गर्न नसकेको विभागले व्यवसायीलाई जानकारी दिँदा कैफियत नै देख्न नसक्ने छ । व्यवसायीलाई थाहा दिँदा अनुगमनका माध्यमबाट प्रतिस्पर्धा कायम राख्ने र बजार शुद्धीकरण गर्ने जुन लक्ष्य हुन्छ, त्यो प्राप्त गर्न पनि सकिँदैन ।
तपाईको प्रतिक्रिया