आयातमा २२ प्रतिशतले गिरावट आउदा निर्यातमा १०.२६ प्रतिशतले सुधार
९ असोज/अर्थ र व्यापार– चालु आर्थिक वर्ष २०७७/७८ को पहिलो दुई महिनामा आयात २२ प्रतिशतले घटेको छ ।
भन्सार विभागका अनुसार अघिल्लो आर्थिक बर्षको पहिलो दुई महिनाको तुलनामा चालु आर्थिक बर्षमा आयतमा २२.०७ प्रतिशतले गिरावट आएको हो ।
आयातमा उच्च गिरावट आएसंगै वैदेशिक व्यापार घाटामा समेत गिरावट आएको छ । यस अबधिमा निर्यातमा भने सामान्य वृद्धि देखिएको छ ।
चालु आर्थिक वर्षको साउन र भदौ महिनामा कुल वस्तू आयात १ खर्ब ७८ अर्ब ८४ करोड बराबरको भएको छ । अघिल्लो आर्थिक बर्षको दुई महिनामा वस्तु आयात २ खर्ब २९ अर्ब ५० करोड रुपैयाँ हाराहारीको थियो । तुलनात्मक रुपमा चालु आर्थिक बर्षको पहिलो २ महिनामा २२.०७ प्रतिशत आयातमा गिरावट आएको देखिन्छ ।
चालु आर्थिक बर्षमा वस्तु निर्यातमा भने २० अर्ब ४४ करोड ३० लाख रुपैयाँ बराबरको भएको छ । अघिल्लो वर्ष यसै अवधिमा निर्यात १८ अर्ब ५० करोड रुपैयाँको भएको थियो । यसरी हेर्दा, चालु आर्थिक बर्षको पहिलो २ महिनामा वस्तु निर्यात १०.२६ प्रतिशतले बढेको देखिन्छ ।
अघिल्लो आवको पहिलो २ महिनामा २ खर्ब ११ अर्ब रुपैयाँले व्यापार घाटा भएको थियो । चालु आवमा दुई महिनामा व्यापार घाटा १ खर्ब ५८ अर्ब ४० करोड रुपैयाँ बराबरको रहेको छ ।
आयातमा २२ प्रतिशतको उच्च गिरावट र निर्यातमा १०.२६ प्रतिशतले बृद्धी हुंदा चालु आर्थिक बर्षको पहिलो २ महिनामा वैदेशिक व्यापार घाटामा समेत कुल २४.९३ प्रतिशतको गिरावट आएको हो ।
चालु आवको दुई महिनामा कुल १ खर्ब ९९ अर्ब २८ करोडको वैदेशिक व्यापार भएको छ । अघिल्लो आवको दुई महिनामा कुल वैदेशिक व्यापार २ खर्ब ४८ अर्ब रहेको थियो । यो वर्ष कुल आकार नै १९.६४ प्रतिशतले घटेको छ ।
दुई महिनाको तथ्यांक हेर्दा वैदेशिक व्यापारमा निर्यातको हिस्सा १०.२६ प्रतिशत र आयातको हिस्सा ८९.७४ प्रतिशत रहेको छ । अघिल्लो बर्षको तुलनामा चालु आर्थिक बर्षको पहिलो २ महिनामा निर्यातको हिस्सामा ३७.५० प्रतिशतले सुधार भएको देखिन्छ ।
सम्बन्धित शीर्षकहरु
मुख्य खबर
नेपालमा जस्तो अवसर र सम्भावना कतै देख्दिन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले आँफूले नेपालमा जताततै सम्भावना र अवसरहरु मात्र देख्ने बताएका छन् । अमेरिकाको टेक्ससमा शनिबार आयोजित हिमालयन कन्क्लेभमा धारणा राख्दै उनले
पर्यटन व्यवसायी अंगाईले गरे पुनर्निर्माण कोषमा १ लाख सहयोग
युवा पर्यटन व्यवसायी तथा आर्यतारा होल्डिङसका अध्यक्ष नवराज अंगाईले सरकारले सुरु गरेको भौतिक पूर्वाधार पुनर्निर्माण कोषमा १ लाख रुपैयाँ सहयोग गरेका छन् । जेनजी आन्दोलनको क्रममा तोडफोड र आगजनी
शीतल निवासमा ४ मन्त्रीले लिए शपथ
अन्तरिम सरकारमा नियुक्त भएका थप ४ मन्त्रीले अहिले पद तथा गोपनीयताको शपथ लिएका छन् ।
निजी क्षेत्रको मनोबल कम हुन दिंदैनौं : नवनियुक्त अर्थमन्त्री खनाल
नवनियुक्त अर्थमन्त्री रामेश्वर खनालले निजी क्षेत्रको मनोबल कम हुन नदिने बताएका छन् । सोमबार अर्थ मन्त्रालयमा पदभार ग्रहण गर्दै खनालले यस्तो बताएका हुन् ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया