२६ मंसिर/ अर्थ र व्यापार - गत साउनदेखि भत्ता नपाएको भन्दै संघीय संसदका कर्मचारीले आन्दोलन घोषणा गरेका छन् । चालु आर्थिक वर्षको बजेटमार्फत अतरिक्त भत्ता कटौती गरिएपछि उनीहरुले भत्ता पाउनुपर्ने माग गर्दै पुस १ देखि असहयोग आन्दोलन गर्ने बताएका हुन् ।

संघीय संसद सचिवालय कर्मचारी युनियनका अध्यक्ष मेघराज अर्यालले पुस १ देखि कार्यालय समयबाहेक अन्य समयमा काम नगर्ने बताएका छन् । हामी पुस १ देखि १०–४ मात्र ड्युटी गर्छौं’ उनले भने ‘अतिरिक्त भत्ता नहुने हो भने विहान बेलुकाको समयमा काम गर्न सकिदैन ।’

गत वर्षसम्म संसद कर्मचारीले तलब र अतिरिक्त भत्ता पाउदै आएका थिए । चालु आर्थिक वर्षमा कटौती भएपछि उनीहरु असन्तुष्ट भएका हुन् । संसद र संसदीय समितिहरुको बैठक विहान र बेलुका अबेसम्म पनि बस्ने हुनाले उक्त समयमा काम गर्दा अतिरिक्त भत्ता पाउनुपर्ने कर्मचारीको भनाइ छ ।