रेबान अध्यक्षले नै तोडे सेवा शुल्क हटाउन गरेको निर्णय
१६ माघ/ अर्थ र व्यापार - रेष्टुरेण्ट एण्ड बार एशोसिएसन रेबान काठमाडौ, पोखरा र सौराहले रेष्टुरेन्टहरूमा ग्राहकहरूमाथि लगाउँदै आएको दश प्रतिशत सेवा शुल्क हटाउन गरेको निर्णय एकदिनैमै तोडिएको छ । पोखरा रेबानका अध्यक्षकै होटलले दश प्रतिशत सेवा शुल्क लिएको पाईएको छ ।
माघ १४ गते सोमबार काठमाडौंमा सम्पन्न रेष्टुरेण्ट एण्ड बार एशोसिएसन नेपाल, रेबान (काठमाडौ, पोखरा र सौराह) को भेलाले रेष्टुरेन्ट तथा बारहरुमा लगाउदै आएको सेवा शुल्क हटाउने निर्णय गरेको थियो ।तर निर्णय गरेको भोलिपल्टै पोखरा रेबानका अध्यक्ष भिमसेन भुजेलको होटल रानीवन आर्केडले भने सेवा शुल्क लिने गरेको भेटिएको छ । ग्राहकहरुको असन्तुष्टिलाई सम्बोधन गर्दै गुणस्तरीय सेवा दिने प्रतिबद्धता जनाएपनि पोखरा रेबानका अध्यक्षले आफैले हस्ताक्षर गरेको सहमति पालना नगरेको पाइएको हो ।
१२ बर्षअघि शान्ति प्रक्रियामा आएको तत्कालीन माओवादी र अन्य मजदुर संगठनको दबावमा सन २००६ मा होटेल एशोसिएसन र ट्रेड युनियनबीच ग्राहकबाट अनिवार्य रूपमा १० प्रतिशत सेवा शुल्क उठाउने निर्णय भएको थियो । यसरी आउने सेवा शुल्कमध्ये ६८ प्रतिशत सेवा दिने मजदूर र ३२ प्रतिशत रेष्टुरेण्ट मालिकले पाउने गरेका थिए ।
बिभिन्न उपभोक्ताबादी संघ सस्थाहरूको दवाबमा रेष्टुरेण्ट एण्ड बार एशोसियसन ( रेवान)ले शुल्क हटाउने निर्णय गरेपनि यता मजुदरहरुले भने विरोध गरेका छन् । उनीहरूले निर्णय नसच्चिए काम बन्द गर्नेसम्म चेतावनी दिइसकेका छन् ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया