राष्ट्रिय सतर्कता केन्द्रलाई विकासका आयोजनाहरुको सुक्ष्म निरीक्षण गर्न निर्देशन
२४ पुस/ अर्थ र व्यापार - संघीय संसदको विकास तथा प्रविधि समितिले राष्ट्रिय सतर्कता केन्द्रलाई विकासका आयोजनाहरुको सुक्ष्म निरीक्षण गर्न निर्देशन दिएको छ । समितिको बैठकले २१ वटा राष्ट्रिय गौरवका आयोजना र अन्य विकासका आयोजनाहरुको सुरुदेखि अन्त्यसम्म विभिन्न चरणमा प्राविधिक परिक्षण गरि निर्माण सामाग्रीहरुको समेत गुणस्तर परिक्षणको व्यवस्था मिलाउन निर्देशन दिएको छ ।
समितिका सभापति कल्याणी खड्काले विकास निर्माणका आयोजनाहरुमा हुनसक्ने अनियमितता र ढिलासुस्तिको समेत सुक्ष्म अध्ययन गर्ने निर्देशन दिएकी छन् । पछिल्लो समय ठूला विकासका आयोजनाहरुमा ढिलासुस्ती भएको भन्दै सुक्ष्म रुपमा अध्ययन गर्नका लागि केन्द्रलाई निर्देशन दिएकी हुन् ।
निर्देशन
१. राष्ट्रिय सतर्कता केन्द्रबाट सम्पादित कार्यलाई थप प्रभावकारी बनाउन विशेष गरि विकास निर्माण कार्यसँग सम्वन्धति आयोजनाको कार्य प्रगति एवं आयोजनाहरुको गुणस्तरमापन अनुगमन प्राविधिक परिक्षण तथा सम्वन्धित विज्ञहरुको सहयोगमा ढिलासुस्तीलाई सुक्ष्म अध्ययन मार्फत प्रभावकारिता बढाई सुशासन कायम गराउन समिति नेपाल सरकार प्रधानमन्त्री तथा मन्त्री परिषदको कार्यालय मार्फत राष्ट्रिय सतर्कता केन्द्रलाई निर्देशन दिएको छ ।
२. राष्ट्रिय गौरवको आयोजनाहरुको गुणस्तर परिक्षण सम्वन्धि पछिल्लो प्राविधिक परिक्षण प्रतिवेदन यथाशिघ्र समितिलाई उपलब्ध गराउन समिति राष्ट्रिय सतर्कता केन्द्रलाई निर्देशन दिएको छ ।
३. चालु आर्थिक बर्षमा के कति विकास आयोजनाहरुको प्राविधिक परिक्षण गरियो? त्यसको विवरण समितिलाई उपलब्ध गराउन र के कस्तो कारबाहीका लागि सिफारिस गरियो त्यसको पनि विवरण समितिलाई उपलब्ध गराउन राष्ट्रिय सतर्कता केन्द्रलाई निर्देशन दिएको छ ।
४. राष्ट्रिय गौरव र अन्य विकासका आयोजनाहरुको आरम्भदेखि अन्त्यसम्म विभिन्न चरणमा प्राविधिक परिक्षण गरि निर्माण सामाग्रीहरुको समेत गुणस्तर परिक्षणको व्यवस्था मिलाउन समिति निर्देशन दिएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया