निषेधाज्ञाबीच भदौमा ४७ अर्ब राजस्व संकलन
४ असोज/अर्थ र व्यापार– निषेधाज्ञाकाबीच आन्तरिक राजस्व विभागले भदौमा ४७ अर्ब राजस्व संकलन गर्न सफल भएको छ ।
कोरोना संक्रमण बढेपछि भदौमा ४० भन्दा बढी जिल्लामा निषेधाज्ञा लगाईएको थियो । निषेधाज्ञाका बिच पनि राजश्व संकलन सन्तोषजनक देखिएको छ ।
अघिल्लो महिना साउनको तुलनामा भदौमा राजश्व संकलनमा करिब ९ अर्बले गिरावट आएको हो । साउनमा लकडाउन खुकुलो बनाउँदा ५६ अर्ब राजस्व संकलन भएको थियो ।
अत्यावश्यक बाहेक सबै व्यवसाय बन्द रहेको अबस्थामा औद्योगिक उत्पादनमा करिब २५ प्रतिशतले गिरावट आएको थियो ।
आन्तरिक राजस्व विभागले भदौमा मूल्य अभिवृद्धि कर (भ्याट) बाट ८ अर्ब ४१ करोड राजस्व संकलन गरेको छ । भदौमा विभागले ६ अर्बको लक्ष्य राखेकोमा २ अर्ब ४१ करोड बढी राजश्व संकलन गर्न सफल भएको हो ।
कोरोना महामारी कारण आन्तरिक उत्पादनको खपत बढ्दै जानु र नाकाबाट चोरी निकासी भई अवैध रूपमा भित्रिने मोबाइल, खाद्यान्न लगायतका वस्तुको आयात रोकिँदा भ्याटमा सकारात्मक प्रभाव परेको हो ।
यसैगरी भदौंमा निषेधाज्ञाका कारण मदिरा र सूर्तीजन्य वस्तुको बिक्रीमा गिरावट आउँदा अन्तःशुल्क असुली प्रभावित भएको छ । ७ अर्ब अन्तःशुल्क संकलनको लक्ष्य राखेकोमा विभागले करिब ५ अर्ब मात्रै अन्तःशुल्क संकलन गरेको छ ।
यस्तै भदौमा विभागले ६ अर्ब आयकर संकलन गर्ने लक्ष्य राखेकोमा ५ अर्ब मात्रै आयकर संकलन गरेको छ ।
सरकारले भदौमा सबैखाले राजश्वबाट १ खर्ब २४ अर्ब राजस्व संकलन गरेको छ । राजस्व संकलन गर्ने अर्को निकाय भन्सार विभागले २४ अर्ब राजस्व संकलन गरेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया