२६ जेठ / अर्थ र व्यापार-सर्वसाधारणले सवारी चालक अनुमतिपत्र (लाइसेन्स) लिनको लागि सास्ती खेप्नु परेको भन्दै यातायात व्यवस्था विभागले निकै तामझामको साथ सुरु गरेको अनलाइन फारम प्रणाली प्रयोगविहीन जस्तै भएको छ । अनलाइन फारम प्रणाली प्रयोगविहीन भएपछि अहिले सयौं सर्वसाधारण बिहानैदेखि लाइसेन्स फारमका लागि यातायात कार्यालयमा लाइन लाग्न पुग्ने गरेका छन्।
अनलाइन फारम प्रणाली गत पुसमा सवारी चालक अनुमति पत्रका लागि सुरु भएको थियो । लाइसेन्स नवीकरण, सवारी दर्ता लगायतका कार्यमा अनलाइन प्रणाली लागू गरे पनि अनलाइनबाट फारम भरे टोकन लिन लाइन बस्नुपर्ने बाध्यताको कारण अनलाइन सेवा निस्कृय बनेको हो ।
अनलाइन फारम प्रणाली प्रभावकारी हुन नसकेपछि फारम नभरी नागरिकताको फोटोकपीमा १० रुपैयाँको हुलाक टिकट टाँसेर बुझाउने प्रकृया सुरु भएको छ । त्यस्तै लाइसेन्समा वर्ग थप गर्नु परेमा लाईसेन्सको फोटोकपीमा टिकट टाँसेर बुझाउनुपर्ने हुन्छ । यसले सेवाग्राहीलाई केही सहजता भएको छ । यो प्रकृयाले विवरण गल्ती नहुने र फारम भर्ने झण्झट नहुने साथै बिचौलियाहरुबाट सेवाग्राही ठगिने सम्भावना पनि धेरै हदसम्म हट्ने विश्वास गरिएको छ ।
तपाईको प्रतिक्रिया