आषाढ १३/ अर्थ र व्यापार– संघीय मामिला तथा समान्य प्रशासन मन्त्री लालबाबु पण्डितले निजामती कर्मचारीलाई एनजीओ–आइएनजीओमा काम गर्न छुट नरहेको  बताएका छन्।
विनियोजित बजेटमाथि उठेका प्रश्नको उत्तर दिने क्रममा प्रतिनिधि सभाको बैठकमा मन्त्री पण्डितले निजामती कर्मचारीलाई व्यापारमा पनि छुट नदिइने बताए।
मन्त्री पण्डितले भने,‘संघीय निजामती ऐनमा छलफल भइरहेको छ । सदनमा आउँदैछ । एनजीओ, आइएनजीओ र व्यापारमा छुट दिने मनसाय छैन।
मन्त्री पण्डितले स्थानीय निकायमा कर्मचारी पठाउने काम भइरहेको जानकारी दिए। उनले भ्रष्टाचार नियन्त्रणमा पनि काम भइरहेको बताए।