चिलिमे–त्रिशूली २२० केभी प्रसारण लाइन निर्माणका लागी ३ हजार ८ सय २५ वटा रुख कटान गरिने
२५ माघ /अर्थ र व्यापार – चिलिमे–त्रिशूली २२० केभी प्रसारण लाइन निर्माण क्षेत्रका ३ हजार ८ सय २५ वटा रुख कटान गरिने भएको छ । रसुवाको माथिल्लो क्षेत्रमा निर्माण हुने जलविद्युत आयोजनाको उत्पादित विद्युत जोड्नका लागि निर्माण थालिएको प्रसारण लाइनको रसुवा र नुवाकोटमा त्यो परिमाणमा रुख कटान गरिन लागिएको हो । कटान गरिने रुखमध्ये ३ हजार ३ सय १४ वटा रसुवा र ५ सय ११ वटा नुवाकोटको क्षेत्रमा पर्ने आयोजनाले जनाएको छ ।
प्रक्रिया सकिएमा फागुनको अन्तिम हप्तादेखि रुख काट्न सुरु गरिने आयोजना प्रमुख केदार सिलवालले बताए । सम्झौता भएपछि रसुवा र नुवाकोट जिल्लाका डिभिजन वन कार्यालयमा फाइल पेश गर्नुपर्छ । डिभिजन वन कार्यालयले रुख कटान अनुमति दिएपछि काट्ने काम सुरु हुने उनको भनाइ छ । जिल्लाको आमाछोदिङ्मो गाउँपालिकास्थित गोल्जुङदेखि नुवाकोटको किस्पाङ गाउँपालिकास्थित त्रिशूली थ्री बी हबसम्म २२० केभी प्रसारण लाइनको दूरी २७ किलोमिटर रहेको छ । जसमा ७९ वटा टावर रहने छ । गोल्जुङदेखि मैलुङसम्म २२० केभी डबल सर्किट र मैलुङदेखि त्रिशूली थ्रीबीको हबसम्म ‘फोर सर्किट’ प्रसारण लाइन निर्माण हुने छ ।
यो प्रसारण लाइनमा ५ सय मेगावट विद्युत जडान गर्न सकिने छ । रसुवामा हाल २ वटा आयोजना सञ्चालनमा छन् । १३ वटा आयोजना निर्माणाधीन छन् भने ८ वटा आयोजनाको सर्भे भइरहेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया