२० असार / अर्थ र व्यापार – व्यवस्थापिका संसदको विकास समितिले उपत्यकामा भत्काइएका सडकहरु तीन महिनाभित्र पुर्न्निर्माण गरेर दुरुस्त बनाउन निर्देशन दिएको छ ।

समितिले उपत्यका सडक विस्तार आयोजना उपत्यका विकास प्राधिकरण ,भौतिक पुर्वाधार तथा यातायात मन्त्रालय, काठमाडौ महानगरपालिका सडक विभागलाई यो निर्देशन दिएको हो । सडक विस्तार र मेलम्ची खानेपानी आयोजनाले भत्काएको सडक पुर्न्निर्माण नहुँदा राजधानीका सडक हिलाम्मे छ ।सडक विस्तार गर्दा उचित मूआब्जा र क्षतिपूर्ति दिएर मात्रै गर्न समितिले निर्देशन दिएको छ ।

उपत्यकाभित्र १५९४.६७ किलोमिटर सडक छन् । उपत्यका भित्र ९ लाख ७३ हजार भन्दा बढी सवारीसाधन छन् । उपत्यकामा कुल जमिनको ७.५ प्रतिशत मात्र सडकले ओगटेको छ । समितिको बैठकले नेपालमा सडक बनाउने निकायहरुवीच समन्वयको अभाव रहेको भन्दै सरकारी निकायबीच समन्वय गरेर शहरी यातायातलाई सुदृढीकरण गर्न निर्देशन दिएको छ ।

त्रिपुरेश्वर, कंलकी, नागढुंगा राजधानीको प्रमुख  नाका भएकोले अदालत र सरकारी निकायको आदेशलाई सम्मान गर्दै क्षतिपूर्ति दिएर सडक निर्माण गर्न समितिले निर्देशन दिएको छ ।