४ असार / अर्थ र व्यापार - भारतको नाकाबन्दीपछि वीरगञ्जस्थित सिर्सिया सुख्खा बन्दरगाह भन्सार कार्यालय एकाएक चम्किएको छ । मधेस आन्दोलनसँगै भारतले लगाएको नाकाबन्दीले वीरगञ्ज भन्सारको असुली नराम्ररी प्रभावित भयो । तर सुख्खा बन्दरगाहमा आन्दोलनकारीको अवरोध नभएका कारण असुली पनि चम्क्यो । 

सुख्खा बन्दरगाहबाट रातीको समयमा सामान विना अवरोध आइरहेका कारण भन्सार असुली बढेको थियो । नाकाबन्दी खुलेपछि पनि सामान राम्रोसँग आइरहेको र असुली पनि राम्रो रहेको छ ।
 भन्सार कार्यालयले चालु आर्थिक वर्षको ११ महिनामा लक्ष्य भन्दा करिब १ अर्ब बढि असुली गरेको छ । भन्सार कार्यालयले गत साउन देखि जेठ सम्म ११ अर्ब ९० करोड ९ लाख ८६ हजार लक्ष्य पाएकोमा  १९ अर्ब ८६ करोड १३ लाख ३५ हजार संकलन गर्न सफल भएको छ।

भन्सार कार्यालयले लक्ष्य भन्दा ९६ करोड ३ लाख ४९ हजार बढि राजस्व संकलन गरेको छ।जेठमा मात्रै रु १ अर्ब ९३ करोड ३३ लाख ९३ हजार मासिक लक्ष्य रहेकोमा २ अर्ब १२ करोड ७८ लाख ४३ हजार संकलन गरेको छ । यो कार्यालयको दैनिक भन्सार असुली लक्ष्य साढे ६ करोड रुपैयाँ छ ।